AQSh prezidenti Barak Obama syrtqy saiasatqa qatysty "Atlantik" jýrnalyna suhbat berip, Resei prezidenti Vladimir Pýtinge baǵa berdi. Obamanyń sózinshe, Resei Pýtinniń syrtqy saiasattaǵy áreketine úlken qunmen jaýap berip otyr.
AQSh prezidentimen suhbattasý barysynda jýrnalist Djeffri Goldberg Obama Vladimir Pýtindi "jaǵymsyz ári dóreki" dep esepteitin sekildi degen sezimimen bólisti. Obama bolsa, Pýtindi jaǵymsyz dep atai almaitynyn jetkizdi:
"Shyn máninde Pýtin bizdiń barlyq kezdesýlerimizde árkez óte sypaiy jáne ashyq bolady. Bizdiń kezdesýlerimiz tek jumys babymen boldy. Ol basqalarǵa jasaǵandai, meni eshqashan eki saǵat kúttirip qoiǵan emes", - dedi AQSh prezidenti.
Obamanyń sózinshe, Pýtin AQSh-penen qarym-qatynasty mańyzdy dep esepteidi:
"Ol adam retinde, bizben jumys isteýshi retinde, árqashan bizben qatar turýǵa qyzyǵýshylyq bildirip keledi. Pýtin árbirden keiin aqymaq emes. Ol shyn máninde Reseidiń álemdegi ustanymynyń álsiregenin túsinedi. Onyń Qyrymdy basyp alǵany, Asadty qoldaýy ony mańyzdy oiynshy etpeidi. Siz ony osy máselelerge qatysty kún tártibindegi eshbir kezdesýlerden kezdestirmeisiz".
"Pýtinniń Ýkrainaǵa jasaǵan áreketi onyń baqylaýyn birden álsiretti. Ol bul elge baqylaýdy saqtap qalamyn dep oilady. Siriiaǵa qatysty da solai oilady, óziniń eliniń berekesin, igiligin qurban etti. Eger Resei qazirgi ustanymy arqyly Ýkrainaǵa, ne Siriiaǵa áskerin kirgizý arqyly qudyretti kúsh iesi bolyp otyrmyn dese, qatelesedi ári bul múmkin emes. Eshqashan da kúsh jumsaý arqyly halyqaralyq qatynasta qudyretti kúshke ie bola almaisyń. Ýkraina derbes, táýelsiz el bolǵanda Resei áldeqaida qudyretti bolatyn" – dep atap ótti AQSh prezidenti suhbatynda.
Obama sonymen birge tabysty jáne kóterilip kele jatqan Qytaidan kóri, álsiregen ári úreilengen Qytaidan qorqý kerektigin aitty. Onyń sózinshe, álsiz Resei de qaýip tóndiredi, biraq Qytaidyń deńgeiinde emes: "Qytaiǵa qaraǵanda orystarda demografiialyq, ekonomikalyq problema bar. Olardy jeńý úshin túsinik ǵana emes, tutas urpaqtyń ýaqyty kerek".
"Pýtinniń tańdaǵan joly bul úndeýlerdi áskeri kúsh qoldaný arqyly jeńe almaidy. Biraq Pýtin osyǵan jaqyndaý. Sol sebepten de, ol bizge esh úrei týǵyza almaidy. Onyń qaýipin biz baǵalamaimyz", - dedi Obama.
