Perızat Qaırat isi boıynsha ótip jatqan sot prosesinde Nazarbaev Zıatkerlik mektebiniń (NIS) pedagog-uıymdastyrýshysy, kýrator Janerke Sátkimbekova kýá retinde jaýap berdi, dep habarlaıdy Dalanews.kz.
Onyń aıtýynsha, ata-analar, oqýshylar men ustazdar atalǵan qorǵa 2,9 mıllıon teńge kóleminde qarajat aýdarǵan. Bul tólem 2024 jyldyń 10 sáýirinde bank qosymshasy arqyly onlaın jasalǵan.
Prokýror Sátkimbekovaǵa “Nelikten dál osy “Biz Birgemiz Kazakhstan 2030” qoryn tańdadyńyzdar?” dep suraq qoıdy.
“Bul qordy barlyq jerde jarnamalap jatqan soń, biz de soǵan aýdardyq”, — dedi ol.
Aıta keteıik, Astanada Perızat Qaırat pen onyń anasy Ǵaını Alashbaevaǵa qatysty sot prosesi jalǵasyp jatyr. Qazir sýdıalar sý tasqyny kezinde jınalǵan qarajatqa qatysty epızodty qaraýda.
Buǵan deıin sot otyrysynda jábirlenýshi taraptan 200 mln teńge aýdarǵan kompanıanyń ókili Galá Isaeva sóz sóıledi. Onyń aıtýynsha, sol kezeńde kompanıany Perızat Qaırattyń áleýmettik jelidegi belsendi jarnamasy sendirgen.
"Prezıdenttiń sý tasqyny kezinde jasaǵan úndeýinen keıin basshylyq zardap shekkenderge kómek kórsetý týraly sheshim qabyldady. Bizge Biz Birgemiz qory senimdi uıym bolyp kórindi. 10 mamyr kúni aksıonerlik qoǵamnyń shotynan qorǵa 200 mln teńge aýdardyq. Perızat Qaırattyń atynan jarıalanǵan jarnamada nesıe tólemderin toqtatý týraly úndeý de boldy. Bul da áser etti – shyn máninde, halyqqa jany ashıtyn adam sıaqty kórindi", – dedi Isaeva.
Sonymen qatar Jusan Bank Perızat Qaırattyń qoryn teksermesten 300 mln teńge aýdarǵany týraly málimdegen edi.
Perızat Qaıratqa qatysty úsh epızodtyń birinde ol sý tasqynynan zardap shekkenderge kómek kórsetý úshin shamamen 2,9 mlrd teńge jınap, onyń tek 920 mln teńgesin ǵana maqsatty túrde jumsady dep aıyp taǵyldy.
Osy naýqan aıasynda First Heartland Jusan Bank (qazirgi ataýy Alatau City Bank) 300 mln teńge kóleminde qaıyrymdylyq kómek kórsetken. Banktiń ókili Beıbit Jorabaevtyń aıtýynsha, olarǵa BizBirgemiz Qazaqstan 2030 qorynan Perızat Qaırattyń qoly qoıylǵan hat kelgen. Onda qaıyrymdylyq kómek suralǵan. Bul másele banktiń basqarma otyrysynda qaralyp, qarajat qaıyrymdylyq retinde aýdarylǵan.
Alaıda Perızat Qaırat bul bastamanyń banktiń ózinen shyqqanyn aıtady. Osyǵan baılanysty ol sottan PR qyzmetiniń ókili Mıhaıl Egormen bettesýge múmkindik berýdi surady. Aıtýynsha, dál sol adammen kelissóz júrgizgen.
Bank bul iske jábirlenýshi tarap retinde tanylǵan. Onyń atynan sotta Jorabaev kýálik berdi.
Qorǵaýshy Aslanbek Davletárov sot otyrysynda bankten: nelikten dál sol 300 mln teńge urlandy dep senimdi aıtasyzdar, bálkim ol qarajat shyn máninde zardap shekkenderge jumsalǵan shyǵar? – dep surady. Onyń sózinshe, Qaırat 2024 jyldyń 2 sáýiri men 18 shildesi aralyǵynda 1 mlrd teńgeden astam qarjyny motorly jáne úrmeli qaıyqtarǵa, generatorlarǵa, kıiz úılerge, azyq-túlik pen tehnıkalarǵa jumsaǵan.
"Biz tergeý materıaldarymen tanystyq, tergeý zań aıasynda júrgizilgenine kóz jetkizdik. Tergeýshi usynǵan barlyq qujattardy oqydyq. Biraq naqty bizdiń qarajat qaıda jumsalǵanyn zerttegen joqpyn, sondyqtan bul suraqqa naqty jaýap bere almaımyn", – dedi Jorabaev.
Sondaı-aq qorǵaýshy bankten: nelikten iri qarjy uıymy 1–2 mln teńgeni de muqıat tekserip baryp aýdaratynyna qaramastan, Qaırattyń bir ǵana hatyna senip, 300 mln teńgeni aýdardy? – dep suraq qoıdy. Jorabaev bul sheshim banktiń basqarma deńgeıinde qabyldanǵanyn aıtty. Onyń sózinshe, sol kezde sý tasqynynan tipti banktiń keıbir bólimsheleri de zardap shekken, sondyqtan olar kómek berýge nıet bildirgen.
