Jelide Almaty oblysy ákimdigi qymbat 10 kólik satyp alǵany týraly aqparat qyzý talqyǵa túsip jatyr,- dep habarlaidy Dalanews.kz.
egov.press Telegram-arnasy málimetinshe,óńir ákimdigi qyrýar aqshaǵa liýks sapadaǵy qytailyq kólik satyp alǵan.
"Halyqtyń 280 million teńgesine "TANK 500" atty qytailyq 10 liýks kólik satyp alǵan. Avtokólikter qazirdiń ózinde jetkizilgen. Niva alsa da bolar edi... Halyqtyń ornyna ózderiniń qamyn oilap, jaǵdai jasap jatyr", - dep jazylǵan arna málimetinde.
Almaty oblysy ákimdigi ókilderi osy aqparatqa qatysty pikir bildirdi. Olardyń sózinshe, buǵan konkýrs ta jariialanǵan.
"Zańnamaǵa sáikes otandyq taýar óndirýshiler arasynda ashyq konkýrs arqyly 10 kólik satyp alyndy. Bul aqparat memlekettik satyp alý veb-portalynda qoljetimdi. Almaty oblysyndaǵy taýly jerler men jolsyz jerlerdi, sondai-aq, eldi mekender arasyndaǵy qashyqty eskere otyryp, ońtaily "jol talǵamaityn kólik" tańdaldy. Satyp alynǵan avtokólikter Almaty oblysynyń memlekettik organdary arasynda bólindi", - dep jazylǵan Almaty oblysy ákimdiginiń baspasóz hatshysynyń jaýabynda.
