جەلىدە الماتى وبلىسى اكىمدىگى قىمبات 10 كولىك ساتىپ العانى تۋرالى اقپارات قىزۋ تالقىعا ءتۇسىپ جاتىر،- دەپ حابارلايدى Dalanews.kz.
egov.press Telegram-ارناسى مالىمەتىنشە،ءوڭىر اكىمدىگى قىرۋار اقشاعا ليۋكس ساپاداعى قىتايلىق كولىك ساتىپ العان.
"حالىقتىڭ 280 ميلليون تەڭگەسىنە "TANK 500" اتتى قىتايلىق 10 ليۋكس كولىك ساتىپ العان. اۆتوكولىكتەر ءقازىردىڭ وزىندە جەتكىزىلگەن. نيۆا السا دا بولار ەدى... حالىقتىڭ ورنىنا وزدەرىنىڭ قامىن ويلاپ، جاعداي جاساپ جاتىر"، - دەپ جازىلعان ارنا مالىمەتىندە.
الماتى وبلىسى اكىمدىگى وكىلدەرى وسى اقپاراتقا قاتىستى پىكىر ءبىلدىردى. ولاردىڭ سوزىنشە، بۇعان كونكۋرس تا جاريالانعان.
"زاڭناماعا سايكەس وتاندىق تاۋار وندىرۋشىلەر اراسىندا اشىق كونكۋرس ارقىلى 10 كولىك ساتىپ الىندى. بۇل اقپارات مەملەكەتتىك ساتىپ الۋ ۆەب-پورتالىندا قولجەتىمدى. الماتى وبلىسىنداعى تاۋلى جەرلەر مەن جولسىز جەرلەردى، سونداي-اق، ەلدى مەكەندەر اراسىنداعى قاشىقتى ەسكەرە وتىرىپ، وڭتايلى "جول تالعامايتىن كولىك" تاڭدالدى. ساتىپ الىنعان اۆتوكولىكتەر الماتى وبلىسىنىڭ مەملەكەتتىك ورگاندارى اراسىندا ءبولىندى"، - دەپ جازىلعان الماتى وبلىسى اكىمدىگىنىڭ باسپا ءسوز حاتشىسىنىڭ جاۋابىندا.
