Nurtileý Imanǵaliuly ómirden ozdy
17 aqpanda tańerteń 70 jasqa qaraǵan shaǵynda Qazaq televiziiasynda 45 jyl qyzmet atqarǵan jýrnalistika ardageri Nurtileý Imanǵaliuly ómirden ótti, delingen “Qazaqstan” teleradiokorporatsiiasynyń aqparatynda.
Nurtileý Imanǵaliuly “Qurdastar”, “Jastar daýysy”, “Arai”, “Jadyńda ma, joldas”, “Aina”, “Jas jiger”, “Betpe-bet”, “Qoltańba”, “Dińgek”, “Kórshiler”, “Zań sóilesin”, “Nur-Tiley” avtorlyq baǵdarlamalary arqyly qalyń kórermen esinde qaldy.
Dalanews.kz portalynyń ujymy Nurtileý Imanǵaliulynyń jaqyndary men týǵan-týystaryna qaiyǵyryp kóńil aitady. Búgin Ulttyq arna efirinen estelik habarlar men arnaiy jobalar beriledi.
Nurtileý Imanǵaliuly Imanǵaliev 1952 jyly Almaty oblysy, Aqsý aýdany, Dińgek aýylynda dúniege kelgen.
Úidegi 14 balanyń kenjesi. Atasy – Qaliasqar, bes jasynda saýatyn ashqan. «Qazaqstan RTRK» AQ Basqarma tóraǵasynyń keńesshisi, Qazaqstan Jýrnalister odaǵy syilyǵynyń eki márte laýreaty, «Altyn Juldyz» syilyǵynyń iegeri, QR mádenietine eńbegi sińgen qairatker, Qazaq Ulttyq Óner akademiiasynyń kurmetti professory, Aqsý aýdanynyń «Qurmetti Azamaty».
1977 jyly QazMÝ-di bitirgen Qazaq televiziiasynda tilshi, redaktor, aǵa redaktor, kommentator, bas redaktor, saiasi sholýshy, direktordyń orynbasary, «Habar» agenttiginde moderator-júrgizýshi, odan keiin Úkimet keńsesinde sektor meńgerýshisi, Prezident Ákimshiliginde bas maman bolyp istegen. Korrýptsiiaǵa qarsy kúres jónindegi memlekettik komissiiasynyń múshesi. «Qazaqstan» RTRK» AQ Basqarma Tóraǵasy qyzmetin atqarǵan.
N.Imanǵaliuly telejýrnalistikadan ainymaǵan tulǵa. Ǵumyrynyń 35 jylyn televiziiaǵa arnaǵan.
