Qoıylym sońynda Elbasy teatr ártisterimen sóılesti, Qurmetti qonaqtar kitabyna estelik jazba qaldyrdy. Sondaı-aq BAQ ókilderi úshin brıfıń ótkizip, qala men óńirdiń negizgi damý nátıjeleri týraly aıtty.
– Túrkistan qazirgideı jańǵyrýdy buryn-sońdy basynan ótkizip kórgen emes. Tanymastaı bolyp ózgerdi. Bul jer qazaqstandyqtar úshin ǵana emes, barlyq týrıser úshin de biregeı mekenge aınalady, – dedi Elbasy.
Qazaqstannyń Tuńǵysh Prezıdenti ınvestısıalyq jáne týrısik jobalardy, sondaı-aq qalanyń jáne tutas óńirdiń turǵyn úı men áleýmettik ınfraqurylymyn damytýǵa baǵyttalǵan jobalardy odan ári júzege asyrýdyń mańyzdylyǵyn atap ótti.
– Qalada jańa jumys oryndary ashylýda, jastarǵa mol múmkindik jasalyp jatyr. Týrızm ýnıversıteti boı kóterdi, búgin tamasha teatrdyń tusaýy kesildi. Bul shyn mánisinde aıtýly oqıǵa, – dedi Nursultan Nazarbaev.
