– Táýelsizdik alǵannan soń Túrkistandy astana retinde qarastyrdym. Biraq, ózderińiz biletindei, jaǵdai buǵan jol bermedi. Búgin bul qala oblys ortalyǵyna ainaldy, shahardy jandandyrý jumystary júrgizilýde. Túrkistan – túrki áleminiń besigi. Baýyrlas túrki memleketteri de bizge kómektesedi dep senemin, – dedi Elbasy.
Qazaqstannyń Tuńǵysh Prezidenti búkil qala boiynsha júrip jatqan qurylys qarqynynyń joǵary ekenin atap ótti.
– Birinshi kezeńde 175 nysannyń qurylysy josparlanǵan. Onyń 102-ci biyl iske qosylady. Bul protseske elimizdiń barlyq óńirleri qatysyp jatyr, - dedi Nursultan Nazarbaev.
Elbasy oblys ortalyǵynyń qurylysy men jandanýyna at salysyp jatqan barsha jurtqa alǵysyn bildirdi.
– Barlyq josparlanǵan nysandardyń qurylysy aiaqtalǵannan keiin biz týristerdiń kóbeiýin kútemiz. Sonymen qatar, qosymsha jumys oryndary ashylady. Munyń bári bizdiń halqymyzdyń ómir súrý deńgeiine oń áser etedi, – dep túiindedi Qazaqstannyń Tuńǵysh Prezidenti.
Elbasy Túrkistan oblysyna jasaǵan saparynda Tuńǵysh Prezident Saiabaǵyndaǵy oiyn-saýyq parkiniń qurylys jobalary tanystyryldy. Sondai-aq, Elbasy jelilik saiabaq jasaý josparyn kórip, qalalyq Arbatty qaita qalpyna keltirý jumystaryn oń baǵalady. Sonymen qatar, Qazaqstannyń Tuńǵysh Prezidentine «Kúltóbe qalashyǵy» arheologiialyq saiabaǵyn qurý jobasy týraly aqparat berildi.
Elbasy jańa Neke saraiyna da bas suǵyp, shańyraq kóterip jatqan jas jubailarmen áńgimelesti. Óz kezeginde Nursultan Nazarbaev jas otaý ielerin quttyqtap, baqyt pen bereke tiledi.
– Shymkent million turǵyny bar qalaǵa ainaldy. Osyǵan orai biz jeke Túrkistan oblysyn qurdyq. Bul kópten beri oiymda júrgen edi. Osylaisha biz úlken qurylys bastadyq. Munyń bári astanamyzdyń qurylysyn eske túsiredi. Endi elimizdiń ońtústiginde taǵy bir ádemi shahar boi kóterip keledi. Osynyń barlyǵy el igiligi úshin jasalyp jatyr, – dedi Nursultan Nazarbaev óńirlik BAQ ókilderine.
Sonymen birge, Nursultan Nazarbaevqa oblys ortalyǵynda infraqurylymdyq jobalardy iske asyrýdyń nátijeleri týraly málimet usynyldy. Elbasy jýrnalister aldynda sóilegen sózinde Túrkistan aýmaǵynda qarqyn alǵan qurylys jumystarynyń aýqymyn atap ótti.
– Ótken jyly oblys ortalyǵyn kóshirý týraly jarlyqqa qol qoiǵan soń aýqymdy qurylysty bastadyq. Búgin men orasan zor ǵimarattardy aralap kórdim. Kóptegen jańa nysandar boi kóterip, jastar úshin jumys oryndary ashylyp jatyr. Aýrýhanalar, mektepter, qonaq úiler, halyqaralyq áýejai salynady. Sý resýrstarymen qamtý salasyndaǵy máselelerdi sheshý josparlanǵan, - dedi Nursultan Nazarbaev.
Sonymen qatar, Qazaqstannyń Tuńǵysh Prezidenti ákimdiktiń infraqurylymdyq jobalardy júzege asyrý josparlary týraly aitty.
– Bir jyl ishinde kóptegen jumys isteldi. Kelesi jyly Ózbekstan, Qyrǵyzstan, Túrkimenstan, Tájikstan basshylaryn sammitke shaqyrýdy josparlap otyrmyz. Eger olar qatysýdy rastasa, biz ony Túrkistanda ótkizýimiz múmkin. Búkil Qazaqstan jurtshylyǵy Túrkistannyń damýyn qoldap otyr. Árbir úi, árbir qala – bul Qazaqstannyń bailyǵy. Elordany salǵan kezde qarjylandyrýǵa bailanysty suraqtar bolǵan edi. Endi Nur-Sultan qalasy barlyq shyǵyndardy ótep, jyl saiyn biýdjetke trilliondaǵan kiris ákelip otyr, – dedi Elbasy.
Sonymen birge, Nursultan Nazarbaev Túrkistan men búkil óńirdiń týristik áleýetin damytýdyń mańyzdylyǵyn atap ótti.
– Biz munda kóptep týristerdi tartýymyz kerek. Búkil túrki álemi Túrkistandy ortalyq dep sanaidy. Týrizm – ekonomikanyń mańyzdy bóligi. Munda kóptegen murajailar bar. Qazir «Kúltóbe qalashyǵy» arheologiialyq parkin qurý jumystary júrgizilýde, – dedi Qazaqstannyń Tuńǵysh Prezidenti.
