Jýrnalist Nurseiit Jylqyshybaidy sotqa bergen aktrisa Dariǵa Badyqova jeńildi, dep habarlaidy dalanews.kz.
Bul týraly zańger Inga Imanbai habarlady.
Jýrnalist Nurseiit Jylqyshybaidy qorǵaǵan isimiz boiynsha Dariǵa Badyqovanyń apelliatsiialyq shaǵymy qanaǵattandyrýsyz qaldy. Almaty oblystyq soty birinshi satydaǵy sot sheshimin ózgerissiz qaldyrdy. Bul bizdiń quqyqtyq pozitsiiamyzdyń zańdy ári negizdi bolǵanyn dáleldedi, - deidi Inga Imanbai.
Onyń sózinshe, keide jýrnalisterge qysym azamattyq talap qoiý arqyly jasalady.
Nurseiit Jylqyshybaidyń sóz bostandyǵy men kásibi quqyǵyn qorǵap shyqtyq. Birineshi sotta da, apelliatsiiada da jeńdik. Zań emotsiiamen emes, dálelmen jumys isteidi, - deidi Inga Imanbai.
Eske salaiyq, eki tanymal tulǵa arasyndaǵy sot isine 2025 jylǵy 4 qazanda YouTube-ta jariialanǵan suhbat negiz bolǵan. Dariǵa Badyqova videoda aitylǵan málimetterdi shyndyqqa sáikes kelmeidi dep eseptep, materialdy óshirýdi jáne jýrnalistiń kópshilik aldynda keshirim suraýyn talap etti.
