«Nurotandyq» depýtattar Sozaqtyń kieli jerlerin aralady
Seminarǵa Sozaq aýdandyq máslihatyndaǵy «Nur Otan» partiiasy fraktsiiasy músheleri, aýdandyq partiia filialy qyzmetkerleri, Babata, Qumkent aýyldarynyń aqsaqaldary, turǵyndary, jastary, BAQ ókilderi qatysty.
Fraktsiia músheleri Qazaq dalasyna Qasietti Islam dininiń taralýy men nasihattalýynyń basynda bolǵan Ysqaq Bab, sondai-aq, Jákel datqa, Baba Túkti Shashty Áziz áýlielerdiń basynda arnaiy ziiarat etip, quran baǵyshtady.
«Nur Otan» partiiasy Sozaq aýdandyq filialy tóraǵasynyń birinshi orynbasary R.Áljanov:
– Elbasy, Partiia Tóraǵasy N.Á.Nazarbaevtyń «Bolashaqqa baǵdar: Rýhani jańǵyrý» baǵdarlamalyq maqalasynda sanany jańǵyrtý, ulttyq kodymyzdy saqtai otyryp, ulttyq bolmysymyzdy álemdik qundylyqtarmen úilestirip, Qazaqstannyń igiligine paidalaný jolyndaǵy maqsat-múddeler týraly ózekti másele kóterilip otyr. «Nur Otan» partiiasy osy maqsatta elimizdiń tarihi-mádeni murasyn saqtaý, qorǵaý, nasihattaý, óskeleń urpaq sanasyna sińirtý baǵytynda kóptegen bastamalardy qolǵa alyp, júzege asyrýda. Búgingi seminar sol igi sharalardyń biri bolyp tabylady, – dep atap ótti.
Óz kezeginde sóz alǵan fraktsiia músheleri Iliias Omarbekov, Baiken Ámetjanov «Shyn mánisinde, Otandy súiý, ultyńdy súiý – týǵan jerdiń tabiǵatyn, barlyq bolmys-bitimin, salt-dástúrin, senimi men rýhani dúniesin súiýden bastalatynyn eskersek, tarihi-mádeni muraǵa bai ólkemizdegi árbir qasiet daryǵan oryndarǵa degen kózqaras ta joǵary deńgeide bolýy kerek», – dep atap kórsetse, depýtattar Gúljan Mombekova, Ǵabit Júsip «Babalarymyzdyń bai rýhani dúniesiniń kózindei bolyp saqtalǵan qasietti áýlieler men ámbielerdiń maǵynaly ǵumyry men izgilikti isterin jastarymyz óz boiynda sińirip ósýi qajet» dep oi qorytty.
Munan soń sóz alǵan Gúlsara Álimbekova:
– Qazaqta qolda bardyń altynnyń qadiri joq» deidi, biz osy jaýharlarymyzdy janymyzda bolsada jii ziiarat etýge, onyń kútip-baptalýyna asa mán bere bermeitinimiz jasyryn emes, bul baǵytta tyńǵylyqty jumystar qolǵa alynyp, udaiy baqylaýda bolýy tiis» degen pikirin bildirdi. Raiymbek Jaqsybergenov, Aibar Kúzembaev «Biz tarihi-mádeni eskertkishterimiz arqyly elimizdi álemge tanytýǵa kúsh salýymyz kerek, áýlieli oryndar – qasiet daryǵan qazaq dalasynyń daiyn brendteri. Týrizm qarqyn alsa, óńirimizdiń ekonomikasyna da tigizer paidasy úlken bolmaq, – degen oilaryn ortaǵa saldy.
Dalanews.kz
