Búgin oblys ákimi Nurlybek Nálibaev №375 referendým ýchaskesinde Konstıtýsıaǵa ózgerister engizýge baılanysty respýblıkalyq referendýmda daýys berdi, dep habarlaıdy Dalanews.kz.

Qyzylorda oblysynda 492 524 daýys berýshi tizimge engizilgen, 378 ýchaskede 2642 komısıa múshesi qyzmet atqarady. Qyzylorda qalasynda 126 ýchaske bar, qalǵany aýdandarda ornalasqan.

Ýchaskeler tańǵy saǵat 6.00-de ashyldy. Daýys berý tańǵy saǵat 7.00-den bastalyp, 20.00-ge deıin júrgiziledi.

Óńirde azamattardyń ýchaskesin anyqtaýǵa arnalǵan 179 onlaın servıs jumys isteıdi. Sondaı-aq, ýaqytsha tirkeý qyzmetimen aınalysatyn 5 onlaın ýchaske bar.

Qımyl-qozǵalysy qıyn múgedektigi bar azamattardy tasymaldaý úshin 67 ınvataksı, 49 ýchaskede sýrdoaýdarmashylar ymdaý tili qyzmetin kórsetýde.

Aıta keteıik, azamattar óz ýchaskesin 4 platforma arqyly bile alady. https://referendum.orda.gov.kz saıty jáne arnaıy telegram boty úzdiksiz jumys isteıdi. Bul qyzmetter «Smart Qyzylorda» mobıldi qosymshasynda qoljetimdi.

Azamattar saıtqa kirip, óz ýchaskesin anyqtaıdy. Referendým komısıasynyń meken-jaıy, baılanys derekteri jáne komısıa músheleriniń quramy týraly aqparatty biledi.

Sondaı-aq 109 qyzmetiniń dıspecherleri turǵyndar saýaldaryna jaýap beredi.