Qyzylorda oblysynyń ákimi Nurlybek Nálibaev QR Tótenshe jaǵdailar vitse-ministri Serik Tólenbergenovpen kezdesti. Kezdesýde sý tasqynynyń aldyn alý jáne basqa da mańyzdy máseleler talqylandy,- dep habarlaidy Dalanews.kz
Aimaqta tiisti sala mamandary («Qazgidromet» jáne «Qazsýshar» RMK Qyzylorda filialdary) Syrdariia ózeni arnasyndaǵy beketter men toraptardaǵy sý deńgeiine kúndelikti monitoring júrgizip jatyr. Jergilikti atqarýshy organdar men sý sharýashylyǵy mamandary táýlik boiy kezekshilikte.
Oblys biýdjetinen qarjy bólinip, «Qazaviaqutqarý» aktsionerlik qoǵamymen kelisim-shart jasalǵan, soǵan sáikes 2 tikushaq daiyndyqqa keltirilgen. Muz jarý boiynsha da arnaiy mamandandyrylǵan mekememen kelisim-shart bar.
Ótken jyly 3 nysandaǵy qorǵanys bógetterin jóndeý-qalpyna keltirýge oblystyq biýdjetten qarjy bólinip, tiisti jumystar atqaryldy. Budan bólek, biýdjetten tys kózder esebinen 20 nysan jóndelip, qalpyna keltirildi.
Oblys aýmaǵynda 37 gidrotehnikalyq qurylys bar. Kommýnaldyq menshiktegi 3 sý qoimasyna tekserý júrgizilip, qaýipsizdik deklaratsiiasy rásimdelgen. Biylǵa kúrdeli jóndeý jumystaryna qarjy qarastyrylýda.
Sý tasqyny bolǵan jaǵdaida 61 evakýatsiialyq jinaqtaý jáne 71 qabyldaý pýnkti halyqty kóshirýge daiyn. Aqpannyń 6-7 kúnderi «Kóktem-2025» respýblikalyq komandalyq-shtabtyq oqý-jattyǵýy ótkizildi. Sý tasqynyna qarsy 123 jeke quram, 23 tehnika, 6 júzý quraly, 33 motopompa jáne 2 tikushaq ázir.
Kezdesýde S.Tólenbergenov sý tasqynyna qarsy sharalardy kúsheitýdiń mańyzdylyǵyna toqtaldy.
Aita keteiik, Tótenshe jaǵdailar vitse-ministriniń Syr eline jumys sapary aýdandarda jalǵasady.
