Qyzylorda oblysy ákimi Nurlybek Nálibaevtyń "Taza Qazaqstan” respýblıkalyq aksıasyna baılanysty úndeý jasap, bul sharaǵa oblys turǵyndarynyń belsendi túrde qatysýǵa shaqyrdy, – dep habarlaıdy Dalanews.kz Qyzylorda oblysy ákiminiń baspasóz qyzmetine silteme jasap.
Qadirli jerlester!
Ardaqty aǵaıyn!
Qazaqylyqtyń qaımaǵy buzylmaǵan, tatý tirlik pen bereke-birliktiń besigi – Syr óńirinde búginnen respýblıkalyq «Taza Qazaqstan» aksıasy aıasynda «Taza Qazaqstan – taza aımaq» ekologıalyq naýqany bastaý aldy.
Tazalyq pen tártip – kez-kelgen aımaqtyń tabysty damýynyń kepili ǵana emes, turǵyndardyń mádenıettiliginiń ólshemi.
Memleket basshysy Qasym-Jomart Kemeluly «Qalalar men aýyldardyń sáýletti, saıabaqtar men aýlanyń taza bolýy, eń aldymen, basqa bireýge emes, ózimizge kerek. Azamattarymyz qoǵamdyq oryndar men qorshaǵan ortaǵa janashyr kózben qaraýǵa tıis» – degen bolatyn.
Bizdiń aınalamyzdaǵy ıgilikter adamdar úshin jasalǵan. Tazalyq – biz úshin basty qundylyq.
«Aýylyna qarap, azamatyn tany» degendeı, ár eldi mekenniń tazalyǵy, sáýletti kórki turǵyndardyń janashyrlyǵyna baılanysty. Sebebi ár kósheniń, ár úıdiń, ár aýlanyń tazalyǵy – tutas qala men aýyldyń aınasy.
Uly jol – alǵashqy qadamnan bastalady. Osy rette, tazalyq aılyǵy aıasynda oblys halqy týǵan jerdi túletýge atsalysady dep senemiz.
Syr – Alashtyń anasy!
Barsha jerlesterimdi, eńbek ujymdary men kásipkerlerdi ıgi bastamany óz úıinen bastap, aýlalar men kóshelerde, móltek aýdandarda júzege asyrýǵa, qala men aýyldarda tazalyq jumystaryna uıytqy, jaqsy isterge dáneker bolýǵa shaqyramyz.
Tazalyq – biz ben Sizden bastalady!
Týǵan jerimizdi birge kórkeıteıik!
