قىزىلوردا وبلىسى اكىمى نۇرلىبەك نالىبايەۆتىڭ "تازا قازاقستان” رەسپۋبليكالىق اكسياسىنا بايلانىستى ۇندەۋ جاساپ، بۇل شاراعا وبلىس تۇرعىندارىنىڭ بەلسەندى تۇردە قاتىسۋعا شاقىردى، – دەپ حابارلايدى Dalanews.kz قىزىلوردا وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءقادىرلى جەرلەستەر!
ارداقتى اعايىن!
قازاقىلىقتىڭ قايماعى بۇزىلماعان، تاتۋ تىرلىك پەن بەرەكە-بىرلىكتىڭ بەسىگى – سىر وڭىرىندە بۇگىننەن رەسپۋبليكالىق «تازا قازاقستان» اكسياسى اياسىندا «تازا قازاقستان – تازا ايماق» ەكولوگيالىق ناۋقانى باستاۋ الدى.
تازالىق پەن ءتارتىپ – كەز-كەلگەن ايماقتىڭ تابىستى دامۋىنىڭ كەپىلى عانا ەمەس، تۇرعىنداردىڭ مادەنيەتتىلىگىنىڭ ولشەمى.
مەملەكەت باسشىسى قاسىم-جومارت كەمەل ۇلى «قالالار مەن اۋىلداردىڭ ساۋلەتتى، ساياباقتار مەن اۋلانىڭ تازا بولۋى، ەڭ الدىمەن، باسقا بىرەۋگە ەمەس، وزىمىزگە كەرەك. ازاماتتارىمىز قوعامدىق ورىندار مەن قورشاعان ورتاعا جاناشىر كوزبەن قاراۋعا ءتيىس» – دەگەن بولاتىن.
ءبىزدىڭ اينالامىزداعى يگىلىكتەر ادامدار ءۇشىن جاسالعان. تازالىق – ءبىز ءۇشىن باستى قۇندىلىق.
«اۋىلىنا قاراپ، ازاماتىن تانى» دەگەندەي، ءار ەلدى مەكەننىڭ تازالىعى، ساۋلەتتى كوركى تۇرعىنداردىڭ جاناشىرلىعىنا بايلانىستى. سەبەبى ءار كوشەنىڭ، ءار ءۇيدىڭ، ءار اۋلانىڭ تازالىعى – تۇتاس قالا مەن اۋىلدىڭ ايناسى.
ۇلى جول – العاشقى قادامنان باستالادى. وسى رەتتە، تازالىق ايلىعى اياسىندا وبلىس حالقى تۋعان جەردى تۇلەتۋگە اتسالىسادى دەپ سەنەمىز.
سىر – الاشتىڭ اناسى!
بارشا جەرلەستەرىمدى، ەڭبەك ۇجىمدارى مەن كاسىپكەرلەردى يگى باستامانى ءوز ۇيىنەن باستاپ، اۋلالار مەن كوشەلەردە، مولتەك اۋدانداردا جۇزەگە اسىرۋعا، قالا مەن اۋىلداردا تازالىق جۇمىستارىنا ۇيىتقى، جاقسى ىستەرگە دانەكەر بولۋعا شاقىرامىز.
تازالىق – ءبىز بەن سىزدەن باستالادى!
تۋعان جەرىمىزدى بىرگە كوركەيتەيىك!
