Oblys ákimi Nurlybek Nálibaev Qyzylorda qalasyndaǵy qurylys nysandaryn aralap, ondaǵy jumys barysyn tekserdi, dep habarlaidy Dalanews.kz
Aldymen «Qyzylorda Arena» kópfýnktsionaldy keshenin salý belgilengen jerge baryp, daiyndyq jumystaryn kórdi.
Tórt qabatty ǵimarat Beibarys sultan kóshesine ornalasady dep josparlanýda. Sport nysanynda ámbebap jáne shaǵyn sport zaldary, bassein, trenajer, sondai-aq tóreshiler, jattyqtyrýshylarǵa arnalǵan kiim aýystyratyn, taǵy basqa qosalqy bólmeler, dýsh, konferents-zal bolady. Erkin jáne klassikalyq kúres, boks, tennis, taekvando, sambo men dziý-doǵa arnalǵan zaldar qarastyrylǵan.
Qyzylorda-Arena" oqý-jattyǵýǵa, jarystar ótkizýge mamandandyrylǵan keshen bolady dep kútilýde.
Aimaq basshysy qurylys barysynda sapaǵa basa mán berýdi, bekitilgen merzimde bastap, ýaqytyly aiaqtaýdy tapsyrdy.
Odan keiin Táýelsizdikke 25 jyl dańǵylyn qaita jańǵyrtý barysyn kórip shyqty.
Ótken jyldan beri osy dańǵyldyń Beibarys sultan kóshesinen Ábilqaiyr han kóshesine deiingi Syrdariia ózeniniń qorǵanysh bógeti nyǵaitylyp, 6,7 shaqyrymy qaita jańǵyrtylýda.
Merdiger «ÝAD» JShS buǵan deiin 1,2 shaqyrym keńeitiletin aýmaqqa jol salyp, asfalt tósedi. Syrdariia ózeniniń jiegindegi qorǵanys bógeti tazalanyp, 2,6 shaqyrymǵa jýyq damba nyǵaityldy, 1,4 shaqyrym tireý qabyrǵa, 820 metr jiek turǵyzyldy.
Dańǵyldyń jalǵasy retinde Ábilqaiyr han kóshesinen Salamatov kóshesine deiingi qorǵanys bógetin nyǵaitý men 2,9 shaqyrym avtomobil jolyn salý josparlanǵan.
Oblys ákimi joldy sapaly salyp, ýaqytyly aiaqtaýdy tapsyrdy.
