«Nurly jer» baǵdarlamasy baspana máselesin sheshýde
Ótken jyly 233 investitsiialyq joba iske asyrylǵan. Olardyń qurylysyna QR Ulttyq qory, respýblikalyq jáne oblystyq biýdjet qarajattary esebinen 66,4 mlrd. teńge qaralǵan bolatyn.
Biyl oblys aýmaǵynda jalpy respýblikalyq jáne oblystyq biýdjetten baǵyttalǵan 52,5 mlrd. teńgege jalpy 186 investitsiialyq jobanyń qurylysyn iske asyrý josparda. Sondai-aq, ótken jyly jospardaǵy 233 nysannyń 115-i paidalanýǵa berildi. Qalǵan 118 nysan 2018 jylǵa ótpeli. Ulttyq qordan «Nurly jol» memlekettik baǵdarlamasy aiasynda 35 bilim berý nysanynyń qurylysy júrgizilip, jyl qorytyndysymen 20 mektep paidalanýǵa tapsyryldy.
Budan ózge, ótken jyly oblysta memlekettik biýdjet qarajaty esebinen turǵyn úi qurylysyn aýdandarda júrgizý úshin injenerlik kommýnikatsiialarǵa jalpy somasy 8,9 mlrd. teńgege 21 nysannyń qurylysy júrgizildi. Jyl qorytyndysymen 8 nysan paidalanýǵa tapsyrylǵan.
Túrkistan oblysy ákiminiń baspasóz qyzmeti
