"42500 teńge? Bul ma, bul ájeptáýir aqsha. Eń bastysy osy aqshany alýdyń jolyn jeńildetse jáne karantin kezinde ai saiyn úzbei berip otyrsa. Ashyǵyn aitý kerek Qazaqstandy tsifrlandyrý salasy aqsap tur, bul salanyń deńgeii tym tómen", – deidi Smaǵulov.
Onyń aitýynsha memleket shaǵyn jáne orta kásipkerlerge qoldan kelgenshe qarailasyp jatyr.
"Iri biznes ókili retinde muny qos qoldap qoldaimyn, birinshi kezekte shaǵyn biznesti qutqarý kerek. Qazirgidei aýmaly-tókpeli ýaqytta olarǵa shynymen de ońai emes.
Alaida iri biznestiń de muń-muhtajy bar. Osy sebepti bizdiń kreditimiz boiynsha jyl aiaǵyna deiin zaimdardy sýbsidiialaýdy surap otyrmyz.
Nege deseńiz Astana Group qomaqty kredit alyp qoiǵan. 400 mln dollar qazirgidei ýaqytta qaltaǵa ájeptáýir salmaq. Muny Úkimet men aitpai-aq túsiner dep oilaimyn. Osynyń arqasynda myńdaǵan jumys ornyn saqtap qalamyz", – deidi kásipker.
Sói degen Smaǵulov eger memleket qol ushyn sozar bolsa, arendatorlarǵa salmaq salmaýǵa, olarǵa jeńildik jasaýǵa sóz beripti.
"Memleket iri bizneske kómekteser bolsa bul óz kezeginde shaǵyn jáne orta bizneske de oń áser etedi. Biz ujymdyq kelisimshart ázirleýimiz kerek. Álbette memlekettiń qaltasy túpsiz tereń emes, Úkimet birinshi kezekte kómekke muhtaj azamattarǵa qarailasýy kerektigin jaqsy túsinemiz", – deidi "Astana motors" ári Mega oiyn-saýyq ortalyǵynyń qojaiyny.
