Almatyda Nurlan Kapparov Fellowship paneldik sesıasy ótti. Bul Garvardtyń Kennedı atyndaǵy Memlekettik basqarý mektebinde (HKS) bedeldi bilim alý máselesin qamtýǵa baǵyttalǵan stýdentterge, mektep túlekterine arnalǵan áleýmettik-bilim berý is-sharasy. İs-sharaǵa Almaty ákimi Erbolat Dosaev qatysty.
HKS magıstratýra baǵdarlamalaryna túsken Qazaqstan men Ortalyq Azıadan kelgen talapkerler úshin 2003 jylǵy túlek, memleket qaıratkeri jáne bıznesmen Nurlan Qapparovty eske alýǵa arnalǵan stıpendıa belgilendi.
«Búgin Nurlan ómirden ótkennen keıin bir jyldan soń, 2016 jyly júzege asqan Nurlan Qapparov atyndaǵy stıpendıalyq baǵdarlamanyń úlken tusaýkeseri. Osy ýaqyt ishinde biz Nurlannyń ómirindegi joǵary qaǵıdattarǵa - adamdarǵa kómektesý, olarǵa múmkindik berý jáne óz jolyn tabý úshin ne isteý kerektigin oıladyq. Stıpendıalyq baǵdarlamanyń ózi biregeı jáne Ortalyq Azıadaǵy jalǵyz baǵdarlama. Atalǵan baǵdarlamaǵa Garvard ýnıversıtetiniń ózi qoldaý kórsetip otyr, óıtkeni Nurlan Qapparov osy oqý ornynyń túlegi ári qurmet pen qoshametke ıe. Baǵdarlama barynsha ashyq, eń úzdikterdi Garvardtyń qabyldaý komısıasy tańdaıdy. Barlyǵynyń múmkindikteri birdeı. Sizderge aıtarym, qashanda oqýǵa umtylyp, jańa bilim alyp, tájirıbe jınaqtaý qajet. Bular ómirde senimdi júrýge kómektesedi», - dedi Erbolat Dosaev.
Stıpendıa Qazaqstan men Ortalyq Azıadan emtıhan tapsyrýǵa jiberilgen talapkerler arasynda Kennedı atyndaǵy Memlekettik basqarý mektebin irikteýdiń barlyq tıisti krıterıılerine jaýap beretin jáne HKS magıstratýra baǵdarlamalarynyń birine qabyldanatyndarǵa konkýrstyq, baǵalaý negizinde beriledi.
«Nurlan bilimniń strategıalyq mańyzdy ınvestısıa ekenine, onyń ekonomıkalyq ósýge yqpal etetinine sendi. Nurlan árdaıym jastardy qoldap, ár bala jaqsy, sapaly bilim alýǵa laıyq dep eseptedi. Sondyqtan biz Garvard Kennedı mektebinde magıstranttarǵa arnalǵan stıpendıalyq baǵdarlama qurýdy sheshtik. Qazir segiz adam bilim aldy, endi biz óskeleń urpaqty shabyttandyrǵymyz keledi, armandaǵan bilimniń shyndyqqa aınalýy múmkin ekenin aıtqymyz keledi, sondyqtan biz ashyq paneldik sesıa uıymdastyrýdy jón kórdik», – dedi Kennedı atyndaǵy Garvard memlekettik basqarý mektebinde Nurlan Qapparov qorynyń jáne stıpendıanyń negizin qalaýshy Gaýhar Qapparova.
Ár jyldardaǵy NK Fellowship laýreattary dárister men prezentasıalar ótkizdi, barlyq nıet bildirýshiler HKS ókilderinen jaýap ala aldy. Sondaı-aq, paneldik sesıa qatysýshylaryna Nurlan Qapparovtyń ómiri men oqý tarıhyn kórsetetin rolık usynyldy.
