Nurlan Núrkenov: «Nur-Sultan shyǵys pen batys mádenietiniń úilesimi toǵysqan qala»
Qala ákiminiń orynbasary Nurlan Núrkenovtiń sózinshe, búginde dizain-kod boiynsha jumys bastalǵan. Aǵymdaǵy jyldyń tórtinshi toqsany jáne kelesi jyldyń birinshi toqsanynda biryńǵai sáýlettik stildi qalyptastyrýdyń úshinshi kezeńi aiaqtalady.
– Shynymen de, dizain-kod qalalyq damýdy qalytastyrýdyń negiziniń biri. Bul qala kósheleri, oramdar, qoǵamdyq aimaqtardy bezendirýdiń biryńǵai stili. Qazirdiń ózinde Nur-Sultannyń ózindik stili bar, ol shyǵys pen batys mádenietiniń úilesimi. Elordada Norman Foster syndy álemge áigili sáýletshiler jumys istedi. Osy jumysty jalǵastyrý kerek, – dedi N.Núrkenov.
Onyń aitýynsha, qala sáýletshileri men ákimshileriniń qalanyń tutas jáne jekelegen ǵimarattary qandai stilde damityny týraly ortaq túsinigi bolady. Ákimdik kásip ashatyn kásipkerler men turǵyn úilerdi salatyn qurylys kompaniialaryna daiyn dizain-kod usynatyn bolady.
