Aqshymyraý aýylynda ótken jiynda aýyl ákimi Rýslan Jumahanov ótken jyly atqarylǵan jumystar týraly esep berip, 2022 jylǵa arnalǵan josparlarymen bólisti.
Nurlan Noǵaev óz kezeginde jinalǵandardy oblysta júrgizilip jatqan jumystar týraly habardar etti, suraqtarǵa jaýap berdi jáne jergilikti turǵyndardyń usynystaryn tyńdady.
Oblys ákimimen kezdesýde turǵyndar mobildi jeli men internettiń, avtomobil joldarynyń sapasyn jaqsartý, meditsinalyq ortalyq salý, jumyspen qamtý, mal azyǵy, veterinariia salasyndaǵy mamandar úshin jaqsy jaǵdai jasaý máselesin kóterdi.
Óńir basshysy kóterilgen máseleler basymdylyqtaryna qarai júieli túrde sheshiletinin atap ótti.
– Memleket Basshysy Qasym-Jomart Toqaev óz Joldaýynda halyqpen tyǵyz bailanys ornatý boiynsha naqty tapsyrmalar berdi. Bizdiń aldymyzda birinshi kezekte halyqty aýyz sýmen úzdiksiz qamtamasyz etý jáne bilim sapasyn jaqsartý mindeti tur. Qalǵan máselelerdi biz basymdyq tártibimen sheshetin bolamyz. Bul jerde eki basty qaǵidany qoldaný qajet: ádilettilik pen ashyqtyq, – dedi Nurlan Noǵaev.
Sondai-aq Nurlan Noǵaev Shaiyr aýylynyń turǵyndarymen kezdesý ótkizdi. Aýyl ákimi Ǵani Tájiev 2021 jyly atqarylǵan jumystar týraly esep berip, aǵymdaǵy jylǵa arnalǵan josparlarymen bólisti.
Jinalysqa qatysýshylaspor kesheniniń qurylysyna, ekologiiaǵa, karerlerdegi kásiporyndardyń jumysyna, aýyldy kógaldandyrýǵa jáne t. b. qatysty máselelerdi kóterdi.
Óńir basshysy jergilikti turǵyndardy el damýyna belsendi atsalysýǵa shaqyrdy.
– Jańa Qazaqstandy bir kúnde quramyz dep oilaý qate pikir. Reformatsiia úshin ýaqyt qajet. Sondai-aq, ózimizden basqa eshkim elimizdi jaqsartyp bermeitinin túsiný mańyzdy. Biz birlesip, jańa Qazaqstandy qurý jolynda eńbek etýimiz kerek, – dedi Nurlan Noǵaev.
Shaiyr aýyldyq okrýginde 1724 adam turady. Munda T. Jalǵasbaiuly atyndaǵy orta mektep, 80 oryndyq "Qyzǵaldaq" balabaqshasy, aýyldyq emhana, feldsherlik-akýsherlik medpýnkt, mádeniet úii jáne t. b. qyzmet etedi.
Esep berý kezdesýlerinen keiin oblys ákimi Aqshymyraý jáne Shaiyr aýyldarynda turǵyndardy jeke máselesimen qabyldady.
Sonymen qatar, Nurlan Noǵaev Mańǵystaý aýdanynyń jastarymen kezdesti. Jiynda oblysta júrgizilip jatqan jumystar týraly aityp, qatysýshylardyń suraqtaryna jaýap berdi.
Óńir basshysy jergilikti atqarýshy organdar jastardyń bastamalaryna jan-jaqty qoldaý kórsetýge daiyn ekenin atap ótti
Mańǵystaý aýdanyna barǵan birinshi kúniniń qorytyndysy boiynsha óńir basshysy jaýapty tulǵalarǵa birqatar naqty tapsyrmalar berdi.
