Oblystyq bilim basqarmasy basshysynyń mindetin atqarýshy Gúlbaný Qyzylǵulovanyń aitýynsha, qazirgi tańda oblystaǵy 143 mekteptiń 1-10-synyptarynda 155 127 oqýshy bilim alýda, biyl onyń 73 paiyzy jazǵy demalyspen qamtylady dep josparlanýda. Balalardyń demalysyn uiymdastyrý úshin 239 saýyqtyrý orny jumys jasaityn bolady
Óńir basshysy Nurlan Noǵaev balalardyń sapaly demalysyn uiymdastyrýdyń mańyzdylyǵyna toqtalyp, jaýapty tulǵalarǵa bul máseleni turaqty baqylaýda ustaýdy tapsyrdy.
Onyń aitýynsha, oblys aýmaǵynda barlyǵy – 258 keń taralǵan paidaly qazbalar óndiretin karer bar. Onyń ishinde 221-niń óndiris jumystaryn júrgizýge tolyq múmkindigi bar, alaida 2020 jyldyń esebi boiynsha olardyń 103-inde karer jumystary múldem júrgizilmegen. Onyń basty sebebi – jumysshylardyń jetispeýshiligi.
Jergilikti turǵyndardyń karerlerde jumys jasaýǵa qyzyǵýshylyq tanytpaýynyń birden-bir sebebi – áleýmettik paketterdiń qarastyrylmaǵandyǵy, kenoryn basynda turmystyq jaǵdaidyń joqtyǵy, munaishylarmen salystyrǵanda jalaqynyń tómendigi.
Odan keiingi óńirdegi eń ózekti máseleniń biri – aýyz sý tapshylyǵy. Bul máseleni sheshý úshin Almagúl Kelbet óz usynystaryn aitty.
Aimaq basshysy óz kezeginde aitylǵan usynystardyń óńirdegi aýyz sý tapshylyǵyn joiý boiynsha aǵymdaǵy is-sharalar josparyna negiz bola alatynyn aitty.
– Karerlerdi igerý ońai sharýa emes, biraq onda sheteldik jumys kúshin paidalanbai, jergilikti turǵyndardy tartý kerek. Migranttar kóbinese beiresmi jumys isteitindikten, olardyń quqyǵy qorǵalmaidy. Al tiisti organdardyń mindeti – zańsyz eńbek kúshin paidalaný faktileriniń aldyn alý. Ekinshi usynysqa kelsek, sý sharýashylyǵy, jer asty sýlary máselelerimen ainalysatyn memlekettik organ qurýdy qoldaimyn. Bul salada kadr daiarlaý máselesin sheshý úshin gidrogeologiiany meńgergisi keletin mektep túlekterine de qoldaý kórsetýge daiynbyz, – dedi Nurlan Noǵaev.
Oblys ákimi bilim basqarmasyna gidrogeolog mamandardy daiarlaýǵa Mańǵystaý oblysy ákimdiginiń memlekettik granttaryn berý múmkindigin qarastyrýdy tapsyryp, bul salanyń óńir úshin óte mańyzdy jáne ózekti ekenin atap ótti.
