Mańǵystaý oblysynyń sharýalary bilikten tabiǵi apat saldarynan qyrylǵan mal úshin ótemaqy tóleýdi jáne ólekselerdi joiý jumystaryn uiymdastyrýdy talap etti, dep habarlaidy Dalanews.kz lada.kz-ke siltep.
Olardyń aitýynsha, Qaraqiia aýdanynda nóser jaýyn saldarynan jer lailanyp, batpaqqa ainalǵan. Sonyń kesirinen mal jappai qyrylǵan.
Aýdan ákimdigi 20-21 sáýir aralyǵyndaǵy naqty derekti usyndy.
- 20 sáýirde 237 bas mal ólgen: 108 jylqy, 5 tai, 10 qulyn, 2 túie, 5 bota, 107 qoi-eshki.
- 21 sáýirde 316 bas mal shyǵynǵa ushyraǵan: 134 jylqy, 9 tai, 19 qulyn, 154 qoi-eshki.
Osylaisha, eki kún ishinde barlyǵy 553 bas mal qyrylǵan.
Oblys ákimdigi ókilderi qazir Qaraqiia aýdanynda jer shaiylyp, batpaqtanýyna bailanysty arnaiy tehnika tartylyp jatqanyn málimdedi. Sonymen qatar, mal basy esepke alynyp, tiisti aktiler rásimdelip jatyr. Janýarlar chip arqyly sáikestendirilgennen keiin veterinarlyq qyzmetpen birlesip, ólekselerdi arnaiy tehnikamen joiý jumystary bastalady.
Al shyǵyndy óteý máselesi qoldanystaǵy zańnama aiasynda qaralatyny aityldy.
