Jıynǵa oblys ákiminiń orynbasarlary, aýdan ákimderi, bólim basshylary men «Mańǵyshlaq tájirıbelik botanıkalyq baǵy» respýblıkalyq memlekettik kásipornynyń basshylyǵy qatysty.
Mańǵystaý oblysynyń tabıǵı resýrstar jáne tabıǵatty paıdalanýdy retteý basqarmasynyń basshysy Málik Ábdiqadyrovtyń aıtýynsha, 2023 jyly oblysty kógaldandyrýǵa 1 mlrd 465,2 mln teńge qaralsa, onyń 77,7 paıyzy Aqtaý qalasyna bólingen.
«Mańǵyshlaq tájirıbelik-botanıkalyq baǵy» RMK bas dırektory Aqjúnis Imanbaevanyń aıtýynsha, 2022 jyly Aqtaýda 5000-nan astam japyraqty aǵash jáne 3500-den astam qylqan japyraqty ósimdik ósirildi.
– Barlyq órkenıetti elde qalalardy jasyldandyrý úlken mańyzǵa ıe. Mańǵystaýdaǵy eldi mekenderdiń aýmaqtaryn kógaldandyrý kórsetkishi shamamen 2-3 paıyzdy, al Aqtaý qalasynyń kórsetkishi 5 paıyzdy qurap otyr.
Soǵan qaramastan, byltyr oń nátıjege qol jetkizdik. Endi bul baǵyttaǵy jumystardy jetildirý úshin qalada dendrologıalyq jospar qurýdy, jasyl jelekterdiń jaǵdaıyn sıfrlandyrýdy usynamyn.
Sonymen qatar otyrǵyzylatyn ósimdikter kóshetteri jergilikti bolýyn jáne shóleıt aımaqta ómir súrý kórsetkishi 80%-dan asýy úshin jabyq tamyr júıedegi materıaldardaǵy ósimdikterdi qoldanýdy, tamshylatyp sýarý júıesin ornata otyryp, ósimdikterdi túnde sýarýdy, sýarý sheńberlerin aǵash úgindiler, qıyrshyq tas, shógindiler sıaqty ylǵal saqtaıtyn materıaldarmen jabýdy qamtamasyz etý qajet, – dedi Aqjúnis Imanbaeva.
Nurlan Noǵaev ǵylymı mamandardy tarta otyryp, Aqtaý qalasy men eldi mekenderdi kógaldandyrýdy júıeli uıymdastyrý qajettigin atap ótti.
– Oblysymyzda kóp jyldyq tájirıbesi bar botanıkalyq baq bar. Sondyqtan botanıkalyq baqtaǵy ósimdikterdi barynsha qala men aýyldarǵa egý qajet.
Óıtkeni Mańǵystaý oblysy jartylaı shóleıtti, bul aımaqta jasyl jelek ósirý óte qıyn. Sol sebepti basqa jerdegi aǵashtar men jasyl jelekter bizdiń óńirdiń tabıǵatyna beıimdele almaıdy.
Botanıkalyq baqtyń múmkindikterin barynsha paıdalaný qajet. Sondaı-aq, kógaldandyrý jumystaryn tek bólingen búdjet aıasynda ǵana emes, demeýshilerdiń kómegimen de júrgizýdi tapsyramyn. Barlyq sý kózderin, sonyń ishinde jańbyr sýyn paıdalana otyryp, tamshylatyp sýarý máselesine nazar aýdarý qajet, – dedi Nurlan Noǵaev.
