"Samuryq-Qazyna" Ulttyq ál-aýqat qorynyń tóraǵasy Nurlan Jaqypov "QazMunaiGaz" UK" AQ Direktorlar keńesin basqaratyn boldy, dep habarlaidy Dalanews.kz.
"QazMunaiGaz" Ulttyq kompaniiasy" AQ aktsionerleriniń jalpy jinalysynyń 2025 jylǵy 5 mamyrdaǵy sheshimimen uiymnyń direktorlar keńesiniń quramyna mynadai ózgerister engizildi: E.K. Berdiǵulov laýazymynan bosatyldy; N.Q. Jaqypov sailandy", - delingen KASE saityndaǵy habarlamada.
Aita ketsek, Nurlan Jaqypov Qarshyǵauly 1978 jyly 31 naýryzda dúniege kelgen. 2001 jyly RF Syrtqy ister ministrligi Máskeý memlekettik halyqaralyq qatynastar institýtyn támamdaǵan. Ekonomika bakalavry, ekonomika magistri, ekonomika ǵylymdarynyń kandidaty.
- 2001-2003 jyldary Eýraziialyq ónerkásiptik assotsiatsiianyń (ENRC) qarjy sarapshysy;
- 2003-2004 jyldary Chambishi Metals PLC biznes menedjeri (Zambiia, Kitve q.);
- 2004-2007 jyldary Research, Investment and Development Ltd jobalyq menedjeri (Resei, Máskeý q.);
- 2007-2009 jyldary Credit Suisse birjada satylymdaǵy kompaniia aktsiialarynyń quny jónindegi sarapshysy (Resei, Máskeý q.);
- 2009-2011 jyldary "Taý-Ken Samuryq" Ulttyq taý-ken kompaniiasy" AQ Basqarma múshesi, basqarýshy direktor;
- 2011-2012 jyldary "RBS (Kazakhstan) enshiles banki" AQ Astanadaǵy ókildiginiń basshysy, investitsiialyq banking departamentiniń direktory;
- 2012-2016 jyldary UBS AG Almaty Representative Office Astana qalasyndaǵy ókildiginiń basshysy, investitsiialyq banking departamentiniń atqarýshy direktory;
- 2016-2017 jyldary "Qazatomónerkásip" UAK" AQ" Basqarma múshesi - Damý jáne investitsiialar boiynsha basqarýshy direktory;
- 2017-2019 jyldary "Astana" Áleýmettik-kásipkerlik korporatsiiasy" AQ Basqarma tóraǵasy;
- 2019-2020 jyldary Rothschild & Co Qazaqstandaǵy ókili;
- 2020-2023 jyldary "Kazakhstan Investment Development Fund (KIDF) Management Company" Ltd. Basqarma tóraǵasy;
- 2023 jylǵy sáýirden bastap "Samuryq-Qazyna" Ulttyq ál-aýqat qory" AQ Basqarma tóraǵasy.
