"سامۇرىق-قازىنا" ۇلتتىق ءال-اۋقات قورىنىڭ ءتوراعاسى نۇرلان جاقىپوۆ "قازمۇنايگاز" ۇك" اق ديرەكتورلار كەڭەسىن باسقاراتىن بولدى، دەپ حابارلايدى Dalanews.kz.
"قازمۇنايگاز" ۇلتتىق كومپانياسى" اق اكسيونەرلەرىنىڭ جالپى جينالىسىنىڭ 2025 جىلعى 5 مامىرداعى شەشىمىمەن ۇيىمنىڭ ديرەكتورلار كەڭەسىنىڭ قۇرامىنا مىناداي وزگەرىستەر ەنگىزىلدى: ە.ك. بەردىعۇلوۆ لاۋازىمىنان بوساتىلدى؛ ن.ق. جاقىپوۆ سايلاندى"، - دەلىنگەن KASE سايتىنداعى حابارلامادا.
ايتا كەتسەك، نۇرلان جاقىپوۆ قارشىعا ۇلى 1978 جىلى 31 ناۋرىزدا دۇنيەگە كەلگەن. 2001 جىلى رف سىرتقى ىستەر مينيسترلىگى ماسكەۋ مەملەكەتتىك حالىقارالىق قاتىناستار ينستيتۋتىن ءتامامداعان. ەكونوميكا باكالاۆرى، ەكونوميكا ماگيسترى، ەكونوميكا عىلىمدارىنىڭ كانديداتى.
- 2001-2003 جىلدارى ەۋرازيالىق ونەركاسىپتىك اسسوسياسيانىڭ (ENRC) قارجى ساراپشىسى؛
- 2003-2004 جىلدارى Chambishi Metals PLC بيزنەس مەنەدجەرى (زامبيا، كيتۆە ق.)؛
- 2004-2007 جىلدارى Research، Investment and Development Ltd جوبالىق مەنەدجەرى (رەسەي، ماسكەۋ ق.)؛
- 2007-2009 جىلدارى Credit Suisse بيرجادا ساتىلىمداعى كومپانيا اكسيالارىنىڭ قۇنى جونىندەگى ساراپشىسى (رەسەي، ماسكەۋ ق.)؛
- 2009-2011 جىلدارى "تاۋ-كەن سامۇرىق" ۇلتتىق تاۋ-كەن كومپانياسى" اق باسقارما مۇشەسى، باسقارۋشى ديرەكتور؛
- 2011-2012 جىلدارى "RBS (Kazakhstan) ەنشىلەس بانكى" اق استاناداعى وكىلدىگىنىڭ باسشىسى، ينۆەستيسيالىق بانكينگ دەپارتامەنتىنىڭ ديرەكتورى؛
- 2012-2016 جىلدارى UBS AG Almaty Representative Office استانا قالاسىنداعى وكىلدىگىنىڭ باسشىسى، ينۆەستيسيالىق بانكينگ دەپارتامەنتىنىڭ اتقارۋشى ديرەكتورى؛
- 2016-2017 جىلدارى "قازاتومونەركاسىپ" ۇاك" اق" باسقارما مۇشەسى - دامۋ جانە ينۆەستيسيالار بويىنشا باسقارۋشى ديرەكتورى؛
- 2017-2019 جىلدارى "استانا" الەۋمەتتىك-كاسىپكەرلىك كورپوراسياسى" اق باسقارما ءتوراعاسى؛
- 2019-2020 جىلدارى Rothschild & Co قازاقستانداعى وكىلى؛
- 2020-2023 جىلدارى "Kazakhstan Investment Development Fund (KIDF) Management Company" Ltd. باسقارما ءتوراعاسى؛
- 2023 جىلعى ساۋىردەن باستاپ "سامۇرىق-قازىنا" ۇلتتىق ءال-اۋقات قورى" اق باسقارما ءتوراعاسى.
