Búgin oblys ákimdiginde óńir basshysy Nurymbet Saqtaǵanovtyń tóraǵalyǵymen ShQO Qazaqstan halqy Assambleiasy Keńesiniń otyrysy ótti.
Otyrys barysynda respýblikalyq sessiiaǵa qatysatyn ShQO delegatsiiasynyń quramy men óńirlik deńgeide ótetin mereitoilyq is-sharalar jospary talqylandy. Oblys ákimi atap ótkendei, búginde Shyǵys Qazaqstan — bastamalary men ideialary búkil el boiynsha sátti júzege asyp jatqan óńirlerdiń biri.
Máselen, alǵash ret Dostyq úii — qoǵamdyq kelisim ortalyǵy Óskemen qalasynda ashylǵan bolatyn. Bul bastama keiin basqa óńirlerge de úlgi boldy.
– Dostyq úii ultaralyq kelisim men turaqtylyqty nyǵaitýǵa ólsheýsiz úles qosyp otyr. QHA jumysyna jastardyń kóptep tartylýy, olardyń mádeni, ekologiialyq jáne shyǵarmashylyq ideialardy nasihattaýdaǵy belsendiligi qýantady. Mundai shyǵarmashylyq dástúrli tásildermen ushtasqanda oń nátijeler beredi, – dedi Nurymbet Saqtaǵanov.
Óńirdiń jetistikteri qatarynda ashyq aspan astyndaǵy biregei mýzei — etnoaýyldy da atap ótýge bolady. Bul nysan sol jaǵalaýdaǵy keshenniń jaýharyna ainalyp, óńir sheginen tys jerlerge de tanymal boldy.
ShQO QHA ǵylymi-saraptamalyq tobynyń qyzmeti erekshe nazar aýdarýǵa turarlyq. Dál osy óńirimizdiń tájiribesi Respýblikanyń túkpir-túkpirinde osyndai qurylymdardy qurýdyń negizine ainaldy.
Bul jumysqa jastar belsendi túrde tartylýda. Búginde óńirde Jas ǵalymdar klýby jumys isteidi.
- Birden-bir jarqyn oqiǵaǵa Úlken Assambleia Stýdenttik Oiyndary jatady, onyń aiasynda tek sporttyq jarystar ǵana emes, sondai-aq intellektýaldy baiqaýlar, onyń ishinde etno-kviz jáne bizdiń biregei ázirlememiz – «Etno Geim» oiyny ótti, ol ulttyq mádeniet pen dástúrlerdi tereń túsinýge baǵyttalǵan, - dedi ShQO Dostyq úii – qoǵamdyq kelisim ortalyǵynyń orynbasary, ShQO QHA eriktiler qozǵalysynyń jetekshisi Ravil Iýnýsov.
Oblysta jastardyń bastamalary da sátti júzege asyrylýda. Solardyń biri QHA jastar jáne balalar teatry boldy. Biyl QHA mereitoiyna arnalǵan is-sharalar aiasynda Astana qalasynda, Pavlodar, Abai oblystarynda teatrǵa gastroldik saparlar josparlanǵan.
Elimizdiń túkpir-túkpirinen jastardy biriktiretin "Assambleia jastary" lagerin jyl saiyn ótkizý aimaq úshin mańyzdy boldy.
Oblys ákimi Qazaqstan halqy Assambleiasynyń barlyq bastamalary men jobalary QR Prezidentiniń tapsyrmalaryna sáikes júzege asyrylatynyn atap ótti.
