Taldyqorǵanda Sherzat Bolattyń ólimine qatysty is boiynsha sot protsesi jalǵasyp jatyr. Sot otyrysy marqum Sherzat Bolattyń ájesi Jumabike Qadyrova jaýap berýden bastaldy, - dep habarlaidy Dalanews.kz.
Sot otyrysy Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵimaratynda ótip jatyr. Aiyptalýshylar oryndyǵynda toǵyz adam bar, olardyń biri kámeletke tolmaǵan.
Sherzattyń ájesi bul oqiǵaǵa deiin kúdiktilerdiń eshqaisyn tanymaǵanyn málimdedi.
"Saǵat 23:00 kezinde jumystan keldim. Shai iship otyrǵan kezimde kelinimniń telefonyna habarlasty. Qarjaýbaidan eken, "Sherzat bireýdi uryp qoidy, soǵan Nurǵanatty oiatyp jiber" dedi. Nurǵanat tez-tez kiinip ketti. Tynyshtyq emes ekenin bildim de, izinshe júgirip shyǵyp kettik. Taksi toqtatamyn degenshe on-on bes minýt ýaqyt ótti. Magazinge bardyq, barsaq eki jerde top bolyp turǵan eken. ...Taksiden túsip jatyp Qarjaýbaidy da, Nurǵanatty da izdegen joqpyn, birden Sherzatty izdei bastadym. Sherzat kóringen joq. Balalar olai úiilip tur degen oiyma kelgen joq. "Bireýdi uryp qoiǵan eken, ájesimin ǵoi, baryp keshirim suraiyn" dedim. Balam jetken adamnyń jaǵasyna jabysyp, qol kóterip júrgen bala emes. Shekten shyǵýshylyq bolǵan shyǵar, sosyn qol kótergen shyǵar degen oi boldy", - dedi marqumnyń ájesi.
Jumabike Qadyrova sol kúngi oqiǵany baiandap berdi.
"Sherzatty tappadym. Joldy kesip ótken boiymda turǵan balalar júgirip ketti. Sol kezde Sherzatty kórip qaldy. Aldynan "ái balalar" dep shyqqan kezimde kók sport kiimindegi Abzal bar kúshimen tartyp jibergen kezde qolymdaǵy telefonym ushyp, jerge qulap qaldym. Onyń Abzal ekenin Nurǵanat aitty... Nurǵanattyń ajalyna da osy balalar sebepshi boldy. Sebebi bettestirý kezinde Nurǵanat kelip "mama, olar qumyrsqany basyp ketken adam siiaqty da kórip otyrǵan joq" dedi. ...Bárin bastan bastap eske túsirý de ońai emes. Óltirgen adamdardyń túrin kórý de ońai emes", - dep kózine jas aldy jábirlenýshi tarap ókili.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
