Túrkistan oblysy ákimi Nuralhan Kósherov Shardara aýdanyna jasaǵan sapary aiasynda «Jaily mektep» ulttyq jobasymen salynǵan 1200 oryndyq bilim oshaǵyn aralap, qurylys sapasyn qadaǵalady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Aýdanda pilottyq joba aiasynda 2 mektep salý josparlanyp, búgingi tańda 1200 oryndyq mekteptiń qurylysy tolyq aiaqtalǵan. Munda 150 jumys orny ashylmaq. Zamanaýi úlgidegi qos bilim nysany injenerlik infraqurylymmen tolyq qamtylǵan. Jalpy alańy 4,2 gektar aýmaqty quraityn mekteptiń qurylysy «Samruk-Kazyna Construction» AQ tapsyrmasymen júrgizilgen. Atalǵan bilim oshaǵy kitaphana, sport zaly, kompiýter synyby jáne akt zalymen tolyǵyp, balalardyń jan-jaqty damýy úshin zamanaýi quraldarmen jabdyqtalǵan.
Oblys ákimi mektep ǵimaratynda jergilikti turǵyndarmen kezdesip, pikir almasty. Usynystaryn tyńdap, óńirdiń negizgi damý baǵyttary týraly aitty.
Búginde Memleket basshysynyń tapsyrmasymen Túrkistan oblysynda zaman talabyna sai, 29 biryńǵai «Jaily mektep» boi kóterip, kezeń-kezeńimen el igiligine paidalanýǵa berilip keledi. Jalpy óńirde bilim sapasyn nyǵaitý maqsatynda túrli mańyzdy jobalar qolǵa alynǵan. Bul baǵyttaǵy jumystar jalǵasyn tabady.
Óńirdi elektr qýatymen qamtý jumystary ózekti másele sanalady. Oblystaǵy energiia óndirýshi kásiporynnyń biregeii – «Shardara sý elektr stantsiiasy». Munda energiia kózi óndiriledi. Túrkistan oblysynyń ákimi Nuralhan Kósherov «Shardara sý elektr stantsiiasy» aktsionerlik qoǵamyna baryp, óndiris barysymen tanysyp, jaýapty tulǵalarǵa tiisti tapsyrmalar berdi.
1967 jyly paidalanýǵa berilgen gidroelektr stantsiiasynda árqaisysy 31,5 mVt elektr qýatyn óndiretin 4 agregatty generator iske qosylǵan, munda 126 adam jumyspen qamtylǵan. Kásiporynda óndiriletin elektr energiiasy ishki suranysqa baǵyttalǵan. Óndiristik aýmaǵy 2 gektardy quraityn stantsiianyń negizgi qyzmeti – QR-nyń ońtústik aýmaǵyn elektr energiiasymen qamti otyryp, sý tasqynyna qarsy kúres jumystaryn ońtailandyrý.
