Túrkistan oblysynyń ákimi Nuralhan Kósherov Qazyǵurt aýdanyna arnaiy issaparmen baryp, Turbat aýylynda ornalasqan «Saidýsman ata» sharýa qojalyǵynda boldy,- dep habarlaidy Dalanews.kz.
Qazyǵurt aýdanynda aýyl sharýashylyǵy salasyna bet burǵan kásipkerler sany artyp keledi. Onyń ishinde jylyjai sharýashylyǵynyń áleýeti joǵary. Osy oraida, oblys ákimi Nuralhan Kósherov Qazyǵurt aýdanyna arnaiy issaparmen baryp, Turbat aýylynda ornalasqan sharýa qojalyǵynda boldy.
Atalǵan jylyjaida jylyna 600 tonna kókónis óndirilip, 5 mln dana kóshet jersindiriledi. Onyń ishinde 360 tonna qyzanaq, 240 tonna qiiar ishki naryqta satylymǵa shyǵarylady. Jylyjai aýmaǵy 4 gektardy quraidy. 1 gektar jerge kóshet óndirilip, qalǵan 3 gektary kókónis ósirýge baǵyttalǵan. Munda 32 adam turaqty jumyspen qamtylǵan.
Aralaý barysynda oblys ákimi jylyjai kesheniniń jumysyn pysyqtap, jaýaptylarǵa agroónerkásip baǵytyndaǵy jumystardy shiratýdy júktedi. Aýyl sharýashylyǵy salasynyń úzdiksiz damýyna «Aýyl amanaty» jobasy taptyrmas múmkindik ekenin aityp, óńirde egistikti ártaraptandyrý maqsatynda jańa tehnologiialardy engizý, jylyjai qýattylyǵyn arttyrý boiynsha mamandarǵa tapsyrmalar berdi.
Odan soń, aimaq basshysy Turbat agrosektoryndaǵy «Paseka bal» sharýa qojalyǵynda boldy. Kásipkerlermen kezdesip, omarta ónerkásibin damytý baǵytynda pikir almasty. Kásiporynnyń ishki jumystarymen tanysty.
Kásiporynda 5 myń omarta uiasy bar. Munda jylyna 150 tonna bal óndirilip, ishki naryqtan bastap, kórshiles memleket Ózbekstan men Reseige eksporttalady. Jalpy aýmaǵy 18 gektardy quraityn óndiris ornynda 20 qyzmetker turaqty jumys isteidi. Omartada bal óndirýmen qatar jylyjai sharýashylyǵy qarqyndy damyǵan. Munda kókónis jáne roza gúli ósiriledi.
Aralaýdyń sońǵy núktesi Jańabazar aýyldyq ortalyq emhanasynda jalǵasyp, oblys ákimi mekemeniń qaita jóndeý jumystarymen tanysty. Ǵimarat qurylysyna jaýapty mamandarǵa basty nazar sapada bolý kerektigin eskertti.
Kópfýnktsionaldy aýrýhana 2,2 gektar jer aýmaǵynda ornalasqan. Munda jalpy sany 10 myń adamǵa meditsinalyq qyzmet túrleri kórsetiledi. Ortalyqqa 2024 jyly kúrdeli jóndeý jumystary bastalyp, qajetti meditsinalyq quraldarmen qamtyldy. Sondai-aq órtke qarsy dabyl tetigi, beinebaqylaý júieleri ornatylyp, asfalttaý, kógaldandyrý jumystary atqaryldy. Sonymen birge ishki elektr, sý, káriz, jeldetý jáne jylytý júieleri, ishki jáne syrtqy esikteri tolyq jańartylǵan.
Búginde «Ordamed», «Kazmedial» kompaniialarymen jasalǵan kelisimshart negizinde tsifrly rentgendik diagnostikalyq apparat, ginekologiialyq kreslo, elektrokardiograf, stomatologiialyq qondyrǵy, koagýlometr jáne basqa da qajetti quraldar men jańa 4-sanatty jedel járdem kóligimen jabdyqtalǵan. Mekeme tabiǵi gaz júiesine qosylǵan.
