تٷركٸستان وبلىسىنىڭ ەكٸمٸ نۇرالحان كٶشەروۆ قازىعۇرت اۋدانىنا ارنايى ٸسساپارمەن بارىپ, تۇربات اۋىلىندا ورنالاسقان «سايدۋسمان اتا» شارۋا قوجالىعىندا بولدى,- دەپ حابارلايدى Dalanews.kz.
قازىعۇرت اۋدانىندا اۋىل شارۋاشىلىعى سالاسىنا بەت بۇرعان كەسٸپكەرلەر سانى ارتىپ كەلەدٸ. ونىڭ ٸشٸندە جىلىجاي شارۋاشىلىعىنىڭ ەلەۋەتٸ جوعارى. وسى ورايدا, وبلىس ەكٸمٸ نۇرالحان كٶشەروۆ قازىعۇرت اۋدانىنا ارنايى ٸسساپارمەن بارىپ, تۇربات اۋىلىندا ورنالاسقان شارۋا قوجالىعىندا بولدى.
اتالعان جىلىجايدا جىلىنا 600 توننا كٶكٶنٸس ٶندٸرٸلٸپ, 5 ملن دانا كٶشەت جەرسٸندٸرٸلەدٸ. ونىڭ ٸشٸندە 360 توننا قىزاناق, 240 توننا قييار ٸشكٸ نارىقتا ساتىلىمعا شىعارىلادى. جىلىجاي اۋماعى 4 گەكتاردى قۇرايدى. 1 گەكتار جەرگە كٶشەت ٶندٸرٸلٸپ, قالعان 3 گەكتارى كٶكٶنٸس ٶسٸرۋگە باعىتتالعان. مۇندا 32 ادام تۇراقتى جۇمىسپەن قامتىلعان.
ارالاۋ بارىسىندا وبلىس ەكٸمٸ جىلىجاي كەشەنٸنٸڭ جۇمىسىن پىسىقتاپ, جاۋاپتىلارعا اگروٶنەركەسٸپ باعىتىنداعى جۇمىستاردى شيراتۋدى جٷكتەدٸ. اۋىل شارۋاشىلىعى سالاسىنىڭ ٷزدٸكسٸز دامۋىنا «اۋىل اماناتى» جوباسى تاپتىرماس مٷمكٸندٸك ەكەنٸن ايتىپ, ٶڭٸردە ەگٸستٸكتٸ ەرتاراپتاندىرۋ ماقساتىندا جاڭا تەحنولوگييالاردى ەنگٸزۋ, جىلىجاي قۋاتتىلىعىن ارتتىرۋ بويىنشا ماماندارعا تاپسىرمالار بەردٸ.
ودان سوڭ, ايماق باسشىسى تۇربات اگروسەكتورىنداعى «پاسەكا بال» شارۋا قوجالىعىندا بولدى. كەسٸپكەرلەرمەن كەزدەسٸپ, ومارتا ٶنەركەسٸبٸن دامىتۋ باعىتىندا پٸكٸر الماستى. كەسٸپورىننىڭ ٸشكٸ جۇمىستارىمەن تانىستى.
كەسٸپورىندا 5 مىڭ ومارتا ۇياسى بار. مۇندا جىلىنا 150 توننا بال ٶندٸرٸلٸپ, ٸشكٸ نارىقتان باستاپ, كٶرشٸلەس مەملەكەت ٶزبەكستان مەن رەسەيگە ەكسپورتتالادى. جالپى اۋماعى 18 گەكتاردى قۇرايتىن ٶندٸرٸس ورنىندا 20 قىزمەتكەر تۇراقتى جۇمىس ٸستەيدٸ. ومارتادا بال ٶندٸرۋمەن قاتار جىلىجاي شارۋاشىلىعى قارقىندى دامىعان. مۇندا كٶكٶنٸس جەنە روزا گٷلٸ ٶسٸرٸلەدٸ.
ارالاۋدىڭ سوڭعى نٷكتەسٸ جاڭابازار اۋىلدىق ورتالىق ەمحاناسىندا جالعاسىپ, وبلىس ەكٸمٸ مەكەمەنٸڭ قايتا جٶندەۋ جۇمىستارىمەن تانىستى. عيمارات قۇرىلىسىنا جاۋاپتى ماماندارعا باستى نازار ساپادا بولۋ كەرەكتٸگٸن ەسكەرتتٸ.
كٶپفۋنكتسيونالدى اۋرۋحانا 2,2 گەكتار جەر اۋماعىندا ورنالاسقان. مۇندا جالپى سانى 10 مىڭ ادامعا مەديتسينالىق قىزمەت تٷرلەرٸ كٶرسەتٸلەدٸ. ورتالىققا 2024 جىلى كٷردەلٸ جٶندەۋ جۇمىستارى باستالىپ, قاجەتتٸ مەديتسينالىق قۇرالدارمەن قامتىلدى. سونداي-اق ٶرتكە قارسى دابىل تەتٸگٸ, بەينەباقىلاۋ جٷيەلەرٸ ورناتىلىپ, اسفالتتاۋ, كٶگالداندىرۋ جۇمىستارى اتقارىلدى. سونىمەن بٸرگە ٸشكٸ ەلەكتر, سۋ, كەرٸز, جەلدەتۋ جەنە جىلىتۋ جٷيەلەرٸ, ٸشكٸ جەنە سىرتقى ەسٸكتەرٸ تولىق جاڭارتىلعان.
بٷگٸندە «Ordamed», «كازمەديال» كومپانييالارىمەن جاسالعان كەلٸسٸمشارت نەگٸزٸندە تسيفرلى رەنتگەندٸك دياگنوستيكالىق اپپارات, گينەكولوگييالىق كرەسلو, ەلەكتروكارديوگراف, ستوماتولوگييالىق قوندىرعى, كواگۋلومەتر جەنە باسقا دا قاجەتتٸ قۇرالدار مەن جاڭا 4-ساناتتى جەدەل جەردەم كٶلٸگٸمەن جابدىقتالعان. مەكەمە تابيعي گاز جٷيەسٸنە قوسىلعان.
