Shymkentte Nurai Serikbaidyń ólimine qatysty qylmystyq is boiynsha sot jaryssózi ótip jatyr. Memlekettik aiyptaýshy sottan Sherhan Aimahanǵa eń qatań jaza taǵaiyndap, ony ómir boiyna bas bostandyǵynan aiyrýdy surady, dep habarlaidy dalanews.kz.
Prokýror Madiiar Ábilqasymov sotta jábirlenýshi tarap keltirgen ýájder is materialdarymen rastalǵanyn málimdedi.
“Saraptama videoda qyzdyń aldyn ala jattaǵan sózderin aitqanyn kórsetti. Onyń mátindi umytyp qalǵan sátin de bárimiz kórdik. Is barysynda jazany jeńildetýge negiz bolatyn mán-jailar anyqtalǵan joq. Sondyqtan sottan Sherhan Aimahanǵa ómir boiyna bas bostandyǵynan aiyrý jazasyn taǵaiyndaýdy suraimyn”, - dedi memlekettik aiyptaýshy.
Eske salaiyq, biyl qańtar aiynda Shymkentte 21 jastaǵy stýdent Nurai Serikbai qatygezdikpen óltirilgen bolatyn. Tergeý málimetinshe, kúdikti Sherhan Aimahan buǵan deiin qyzdyń sońynan qalmai, tipti alyp qashqan.
Prokýror sotta jariialaǵan aiyptaý aktisine sáikes, Nurai kezdesýden bas tartqannan keiin kúdikti onyń úiiniń mańyna kelip, aldymen bes ret pyshaq jaraqatyn salǵan. Keiin qaita oralyp, qyzǵa taǵy birneshe márte pyshaq suqqan.
Qazirgi ýaqytta is boiynsha sot talqylaýy jalǵasyp jatyr.
