شىمكەنتتە نۇراي سەرٸكبايدىڭ ٶلٸمٸنە قاتىستى قىلمىستىق ٸس بويىنشا سوت جارىسسٶزٸ ٶتٸپ جاتىر. مەملەكەتتٸك ايىپتاۋشى سوتتان شەرحان ايماحانعا ەڭ قاتاڭ جازا تاعايىنداپ, ونى ٶمٸر بويىنا باس بوستاندىعىنان ايىرۋدى سۇرادى, دەپ حابارلايدى dalanews.kz.
پروكۋرور مادييار ەبٸلقاسىموۆ سوتتا جەبٸرلەنۋشٸ تاراپ كەلتٸرگەن ۋەجدەر ٸس ماتەريالدارىمەن راستالعانىن مەلٸمدەدٸ.
“ساراپتاما ۆيدەودا قىزدىڭ الدىن الا جاتتاعان سٶزدەرٸن ايتقانىن كٶرسەتتٸ. ونىڭ مەتٸندٸ ۇمىتىپ قالعان سەتٸن دە بەرٸمٸز كٶردٸك. ٸس بارىسىندا جازانى جەڭٸلدەتۋگە نەگٸز بولاتىن مەن-جايلار انىقتالعان جوق. سوندىقتان سوتتان شەرحان ايماحانعا ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇرايمىن”, - دەدٸ مەملەكەتتٸك ايىپتاۋشى.
ەسكە سالايىق, بيىل قاڭتار ايىندا شىمكەنتتە 21 جاستاعى ستۋدەنت نۇراي سەرٸكباي قاتىگەزدٸكپەن ٶلتٸرٸلگەن بولاتىن. تەرگەۋ مەلٸمەتٸنشە, كٷدٸكتٸ شەرحان ايماحان بۇعان دەيٸن قىزدىڭ سوڭىنان قالماي, تٸپتٸ الىپ قاشقان.
پروكۋرور سوتتا جارييالاعان ايىپتاۋ اكتٸسٸنە سەيكەس, نۇراي كەزدەسۋدەن باس تارتقاننان كەيٸن كٷدٸكتٸ ونىڭ ٷيٸنٸڭ ماڭىنا كەلٸپ, الدىمەن بەس رەت پىشاق جاراقاتىن سالعان. كەيٸن قايتا ورالىپ, قىزعا تاعى بٸرنەشە مەرتە پىشاق سۇققان.
قازٸرگٸ ۋاقىتتا ٸس بويىنشا سوت تالقىلاۋى جالعاسىپ جاتىر.
