Memleket Basshysy Qasym-Jomart Toqaev «halyq únine qulaq asatyn memleket» tujyrymdamasyna kóshýdi tapsyrǵan-dy. Elorda ákimi Altai Kólginov halyqpen keri bailanys dinamikasy aitarlyqtai jaqsarǵanyn aitty.
Qala turǵyndary áleýmettik jeliler arqyly, «Januia» otbasy institýtyn qoldaý ortalyǵynda, sonymen qatar iKOMEK109 monitoring jáne jedel áreket etý ortalyǵynda suraqtarǵa jaýap ala alatynyn atap ótti. Alaida áli de jumystaný qajet. Altai Kólginov osy baǵyttaǵy jumystardy kúsheitýdi tapsyrdy.
– Turǵyndardy tolǵandyratyn suraqtarǵa ýaqtyly jaýap berý - eń mańyzdy ári basty jumys, – dedi qala basshysy.
Úsh ai ishinde qala ákimi 500-den astam adamdy qabyldady, 1400-ge jýyq suraq tústi. Suraqtardyń 89% óz sheshimin tapty. Turǵyndarǵa zań aiasynda kómek kórsetilip, keńester berildi. Sondai-aq, azamattardy qabyldaýdy ákimniń orynbasarlary, aýdan ákimderi men basqarma basshylary júrgizedi.
