Elordalyq taksi júrgizýshileri Nur-Sultandaǵy jappai vaktsinatsiia naýqanyna qosyldy, dep qala ákimdiginiń resmi saity habarlady.
Vaktsinatsiiadan ótetin kompaniialardyń kóbi qalanyń meditsinalyq mekemeleriniń janynan qurylǵan mobildi brigadalardyń qyzmetin paidalanyp, tikelei jumys oryndarynda vaktsina qabyldap jatyr. Bul ádis qyzmetkerlerdiń jumys ýaqytyn almaidy.
Mysaly, «SMEÝ Astana» JShS №5 qalalyq emhananyń mobildi tobyn shaqyrdy. Alǵashqy kúni 80 adam egildi, bul qyzmetkerlerdiń jalpy sanynyń 70%-yn quraidy. Vaktsinanyń ekinshi komponenti osy jyldyń 24 shildesinen keshiktirilmei uiymdastyrylady.
Vaktsinatsiiadan tolyq ótetin kompaniialar qatary kóbeiip keledi. Búgin «Region» taksoparkiniń qyzmetkerleri jappai vaktsinatsiiadan ótti.
Mekeme direktory Samat Qalymbetovtiń aitýynsha, qyzmetkerlerdiń basym bóligi turǵylyqty jeri boiynsha meditsinalyq mekemelerde jáne saýda ortalyqtarynda immýndaýdan ótken. Qalǵandary jaqyn arada vaktsina alady.
«Vaktsinanyń alǵashqy komponentin 40-qa jýyq júrgizýshi aldy. Olardyń bári ózin jaqsy sezinedi. Júrgizýshilerimizdiń bári immýndaýdan ótýge niet bildirdi», — dedi «Region» taksoparkiniń direktory Samat Qalymbetov.
Aita keteiik, QR Densaýlyq saqtaý ministrliginiń málimetinshe elordada vaktsinanyń birinshi komponentin 304 myńǵa jýyq adam aldy, 183 myńǵa jýyq qala turǵyny tolyq immýndaýdan ótti.
