Áleýmettik qyzmet kórsetý ortalyǵy 3 korpýstan turady. QR Prezıdentiniń tapsyrmasyna sáıkes 2020 jyldan bastap erekshe qajettilikteri bar adamdarmen jumystanatyn áleýmettik sala qyzmetkerleriniń jalaqysy 30% -dan bastap (jáne odan joǵary) kóteriletin bolady.
– Ortalyq ıgi ári kúrdeli jumys atqaryp kelemiz. Erekshe qajettilikteri bar balalarǵa kómektesesizder. Sizderge alǵysymdy bildiremin! Biz sizderdiń eńbegińizdi baǵalaımyz.
Biz balalardyń ata-analarymen, basqa da ońaltý ortalyqtarynyń qyzmetkerlerimen kezdesip, birlese jumys sapasyn jaqsartý men bilikti kómek kórsetý boıynsha jumys isteımiz. Mundaı mekemelerge suranys jyl saıyn artyp keledi. Kóptegen balalar kómek pen ońaltýdy qajet etedi.
Sondyqtan qosymsha korpýs ashýdy josparlap otyrmyz. Sondaı-aq erekshe qajettilikteri bar balalarǵa kómek kórsetýmen aınalysatyn áleýmettik sala qyzmetkerlerine arnalǵan jataqhana salý máselesin qarastyramyz, – dedi Altaı Kólginov.
Mereke qarsańynda ákimdik balalarǵa jáne áleýmettik qyzmet kórsetý ortalyǵyna syılyqtar tabystady. Qalada erekshe qajettilikteri bar adamdardyń sany 26 myńnan bolsa, onyń 5.5 myńy balalar.
Elordada erekshe qajettilikteri bar jandar úshin eki ońaltý ortalyǵy salynady. Jańa turǵyn úılerdiń birinshi qabattarynda emhana, balabaqsha, ońaltý ortalyqtary, polısıanyń tirek pýnkti sıaqty áleýmettik nysandar ashylady. Sondaı-aq ıpodrom bazasynda ıppoterapıamen aınalysýǵa arnalǵan jabyq manej salynady. Jyl basynan beri ınvataksı sany 22 mashınadan 46-ǵa deıin,eki ese artty.
https://www.youtube.com/watch?time_continue=1&v=BIGKRaQvNuA&feature=emb_logo
