Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova elordadaǵy koronavirýstyń jańa jaǵdailary týraly egjei-tegjeili baiandady, dep habarlaidy Dalanews.kz.
Buryn habarlanǵandai, 17 naýryzda Qazaqstan azamattarynan Nur-Sultanda koronavirýstyń 14 jaǵdaiy tirkelgen.
Onyń ishinde 5 adam aýrýhanada, infektsiialyq blokta jatqan bolatyn. Tórteýi - QR bas sanitarlyq dárigeriniń buiryǵyna sáikes, qolaisyz epidemiologiialyq jaǵdaiy bar elderden kelgendikten, Italiia men Ońtústik Koreia reisterinen birden karantinge jabylǵandar. Olardyń jaǵdaiy qanaǵattanarlyq deńgeide, - dedi Qisyqova.
Taǵy bir naýqas ortasha dárejeli jedel respiratorly virýstyq infektsiialar diagnozymen infektsiialyq blokta jatqan. Qosymsha tekserýden keiin onda koronavirýstyń bar ekeni anyqtaldy. Onyń jaǵdaiy - ortasha.
Qalǵan 9 naýqas baqylaý protsesinde qolaisyz epidemiologiialyq jaǵdaiy bar elderden kelgen jáne olarmen bailanysqa túsken adamdar tobynan anyqtaldy. Olardyń jaǵdaiy qanaǵattanarlyq.
Bul koronavirýs juqtyrǵan 9 adam eki kúndei qala turǵyndarynyń arasynda bolǵan, - dedi ol.
Olarmen bailanysta bolǵan tulǵalardy anyqtaý jumystary júrgizilip jatyr.
