Kórmeniń maqsaty – Táýelsiz Qazaqstannyń damýy men qalyptasyý kezeńindegi Prezıdentimizdiń júrgizip otyrǵan saıasatyn, iskerlik qabiletin, bolashaqqa baǵyt-baǵdar bergen memleket basshysynyń osy ýaqytqa deıingi atqarǵan eńbegin oqyrmandarǵa jetkizý, jas urpaqqa nasıhattaý.
Kórme eki bólimnen turady. Birinshi bólimi «N.Á. Nazarbaevtyń jastyq shaǵy» dep atalady. Onda tuńǵysh prezıdenttiń balalyq shaǵynan syr shertetin «Januıa», «N.Á.Nazarbaev anasymen, ákesimen, jumys kezi» t.b kórkem sýretti basylymdary kórermen nazaryna usynyldy.
Al kórmeniń ekinshi bólimi «N.Á.Nazarbaevtyń saıası qyzmeti» dep atalyp, bul bólimde prezıdenttiń 60 jyldardyń sońynan bastalǵan saıası ómirin baıandaıtyn jádigerler pash etildi.
Uıymdastyrýshylardyń sózinshe, kórme jastarǵa jaǵymdy áser qaldyrǵan. Olar kórmeni aralap, Elbasy jazǵan kitaptardy birden jazdyryp oqýǵa alǵan.
Sonymen qatar, №48 mektep-lıseıiniń kitaphanasynda da jyl saıynǵy úrdis boıynsha Tuńǵysh Prezıdent kúni merekesine oraı kitap kórmesi uıymdastyryldy. Tuńǵysh Prezıdenttiń otbasy, jastyq shaǵy, Elbasy jolynda jasaǵan eren eńbekteri týraly kitaptar men jýrnaldar sórege qoıyldy.
Esterińizge salsaq, 29 qarasha kúni №86 mektep-gımnazıasynda «Qazaq halqynyń kóshbasshysy-Elbasy», al №37 mektep-lıseıinde «Elbasynyń eleýli eńbekterinen...» atty kitap kórmeleri ótkiziledi.
