كورمەنىڭ ماقساتى – تاۋەلسىز قازاقستاننىڭ دامۋى مەن قالىپتاسىۋ كەزەڭىندەگى پرەزيدەنتىمىزدىڭ جۇرگىزىپ وتىرعان ساياساتىن، ىسكەرلىك قابىلەتىن، بولاشاققا باعىت-باعدار بەرگەن مەملەكەت باسشىسىنىڭ وسى ۋاقىتقا دەيىنگى اتقارعان ەڭبەگىن وقىرماندارعا جەتكىزۋ، جاس ۇرپاققا ناسيحاتتاۋ.
كورمە ەكى بولىمنەن تۇرادى. ءبىرىنشى ءبولىمى «ن.ءا. نازاربايەۆتىڭ جاستىق شاعى» دەپ اتالادى. وندا تۇڭعىش پرەزيدەنتتىڭ بالالىق شاعىنان سىر شەرتەتىن «جانۇيا»، «ن.ءا.نازاربايەۆ اناسىمەن، اكەسىمەن، جۇمىس كەزى» ت.ب كوركەم سۋرەتتى باسىلىمدارى كورەرمەن نازارىنا ۇسىنىلدى.
ال كورمەنىڭ ەكىنشى ءبولىمى «ن.ءا.نازاربايەۆتىڭ ساياسي قىزمەتى» دەپ اتالىپ، بۇل بولىمدە پرەزيدەنتتىڭ 60 جىلداردىڭ سوڭىنان باستالعان ساياسي ءومىرىن باياندايتىن جادىگەرلەر پاش ەتىلدى.
ۇيىمداستىرۋشىلاردىڭ سوزىنشە، كورمە جاستارعا جاعىمدى اسەر قالدىرعان. ولار كورمەنى ارالاپ، ەلباسى جازعان كىتاپتاردى بىردەن جازدىرىپ وقۋعا العان.
سونىمەن قاتار، №48 مەكتەپ-ليسەيىنىڭ كىتاپحاناسىندا دا جىل سايىنعى ءۇردىس بويىنشا تۇڭعىش پرەزيدەنت كۇنى مەرەكەسىنە وراي كىتاپ كورمەسى ۇيىمداستىرىلدى. تۇڭعىش پرەزيدەنتتىڭ وتباسى، جاستىق شاعى، ەلباسى جولىندا جاساعان ەرەن ەڭبەكتەرى تۋرالى كىتاپتار مەن جۋرنالدار سورەگە قويىلدى.
ەستەرىڭىزگە سالساق، 29 قاراشا كۇنى №86 مەكتەپ-گيمنازياسىندا «قازاق حالقىنىڭ كوشباسشىسى-ەلباسى»، ال №37 مەكتەپ-ليسەيىندە «ەلباسىنىڭ ەلەۋلى ەڭبەكتەرىنەن...» اتتى كىتاپ كورمەلەرى وتكىزىلەدى.
