– Qalanyń bas josparynda kóliktik damý bólimi bar, biraq ýaqyt talaby men ýrbanizatsiiany, jańa syn-tegeýrinderdi eskere otyryp, egjei-tegjeiin (kólik-aýysyp otyrý toraptary, burylý alańdary, jaiaý júrginshiler, baǵdarshamdar jáne t.b.) jazyp, keshendi kólik shemasynyń damýyn jeke bólip kórsetý qajet. Álemdik tájiribede qalalyq jáne kóliktik josparlaý qala qurylysynyń ózara bailanysty jáne ózara táýeldi elementteri bolyp tabylady, – dedi Bekmyrza Igenberdinov.
Sonymen qatar, kólik kompaniiasynyń basshysy qalalyq kólikti basqaratyn uiymdar arasyndaǵy úilestirý jumystaryn kúsheitý qajettigin atap ótti.
– Budan basqa, magistraldy kósheler men ózen arqyly ótetin qosylym sanyn arttyrý qajet. Turǵyn kvartaldardyń qurylysyn kóliktik qoljetimdilikti eskere otyryp josparlaý qajet. Joǵaryda aitylǵandardy eskere otyryp, qalalyq kólikti basqarý salasyndaǵy strategiialyq qujat – keshendi kólik shemasyn jasaý eń durys sheshim bolady, – dep atap ótti Bekmyrza Igenberdinov.
Keshendi kólik shemasy (KKS) qalada qalalyq kólikti uiymdastyrý men basqarýǵa qatysty qoldanystaǵy quqyqtyq júiedegi olqylyqtar men qaishylyqtardy anyqtaidy, jer paidalaný men qalalyq kólikti josparlaýdy, qalalyq kólik salasyna tartylǵan organdardyń fýnktsiialary men ókilettikterin biriktiredi. Budan basqa, qoǵamdyq kólik, jol-kólik infraqurylymy, jol qozǵalysyn uiymdastyrý, kólik aǵyndaryn basqarý, turaq keńistigi ózge de salalardaǵy problemalardy sheshýdi usynady.
Aita ketý kerek, elorda ákimdigi jol infraqurylymyn damytýǵa erekshe kóńil bóledi: aǵymdaǵy jyly 100 – ge jýyq kóshe salynyp, jóndeledi, sońǵy eki jylda 300-ge jýyq kóshe jóndeldi, olardyń jartysy turǵyn úi alaptarynda.
Sonymen qatar, Uly dala dańǵylynda eki avtokólik kópiriniń qurylysy júrip jatyr, ol osy jyly aiaqtalady jáne Esil ózeni arqyly Táýelsizdik dańǵylyndaǵy kópirdiń qurylysy 2023 jyly aiaqtalady. Olar joldardaǵy trafikti aitarlyqtai jeńildetedi. Sondai-aq Alash sh. boiyndaǵy kópirge ("búkir kópir") kúrdeli jóndeý, jańa jol aiyryqtaryn jobalaý jáne t. b. júrgizilýde.
