– قالانىڭ باس جوسپارىندا كولىكتىك دامۋ ءبولىمى بار، ءبىراق ۋاقىت تالابى مەن ۋربانيزاسيانى، جاڭا سىن-تەگەۋرىندەردى ەسكەرە وتىرىپ، ەگجەي-تەگجەيىن (كولىك-اۋىسىپ وتىرۋ توراپتارى، بۇرىلۋ الاڭدارى، جاياۋ جۇرگىنشىلەر، باعدارشامدار جانە ت.ب.) جازىپ، كەشەندى كولىك سحەماسىنىڭ دامۋىن جەكە ءبولىپ كورسەتۋ قاجەت. الەمدىك تاجىريبەدە قالالىق جانە كولىكتىك جوسپارلاۋ قالا قۇرىلىسىنىڭ ءوزارا بايلانىستى جانە ءوزارا تاۋەلدى ەلەمەنتتەرى بولىپ تابىلادى، – دەدى بەكمىرزا يگەنبەردينوۆ.
سونىمەن قاتار، كولىك كومپانياسىنىڭ باسشىسى قالالىق كولىكتى باسقاراتىن ۇيىمدار اراسىنداعى ۇيلەستىرۋ جۇمىستارىن كۇشەيتۋ قاجەتتىگىن اتاپ ءوتتى.
– بۇدان باسقا، ماگيسترالدى كوشەلەر مەن وزەن ارقىلى وتەتىن قوسىلىم سانىن ارتتىرۋ قاجەت. تۇرعىن كۆارتالداردىڭ قۇرىلىسىن كولىكتىك قولجەتىمدىلىكتى ەسكەرە وتىرىپ جوسپارلاۋ قاجەت. جوعارىدا ايتىلعانداردى ەسكەرە وتىرىپ، قالالىق كولىكتى باسقارۋ سالاسىنداعى ستراتەگيالىق قۇجات – كەشەندى كولىك سحەماسىن جاساۋ ەڭ دۇرىس شەشىم بولادى، – دەپ اتاپ ءوتتى بەكمىرزا يگەنبەردينوۆ.
كەشەندى كولىك سحەماسى (ككس) قالادا قالالىق كولىكتى ۇيىمداستىرۋ مەن باسقارۋعا قاتىستى قولدانىستاعى قۇقىقتىق جۇيەدەگى ولقىلىقتار مەن قايشىلىقتاردى انىقتايدى، جەر پايدالانۋ مەن قالالىق كولىكتى جوسپارلاۋدى، قالالىق كولىك سالاسىنا تارتىلعان ورگانداردىڭ فۋنكسيالارى مەن وكىلەتتىكتەرىن بىرىكتىرەدى. بۇدان باسقا، قوعامدىق كولىك، جول-كولىك ينفراقۇرىلىمى، جول قوزعالىسىن ۇيىمداستىرۋ، كولىك اعىندارىن باسقارۋ، تۇراق كەڭىستىگى وزگە دە سالالارداعى پروبلەمالاردى شەشۋدى ۇسىنادى.
كەشەندى كولىك سحەماسىنىڭ تۇجىرىمداماسىن قالالىق ءماسليحات بەكىتتى. ۇكىمەتپەن جانە ق ر ييدم-مەن بىرلەسىپ قارجىلاندىرۋ كوزدەرى كەلىسىلەدى، بۇدان ءارى ككس ىسكە اسىرۋ ءۇشىن الىناتىن بولادى. ككس ازىرلەۋمەن قاتار، نۇر-سۇلتان قالاسىنىڭ اۋماعىن 2025 جىلعا دەيىن دامىتۋ باعدارلاماسىندا نىسانالى كورسەتكىشتەردى كوزدەۋ قاجەت.
ايتا كەتۋ كەرەك، ەلوردا اكىمدىگى جول ينفراقۇرىلىمىن دامىتۋعا ەرەكشە كوڭىل بولەدى: اعىمداعى جىلى 100 – گە جۋىق كوشە سالىنىپ، جوندەلەدى، سوڭعى ەكى جىلدا 300-گە جۋىق كوشە جوندەلدى، ولاردىڭ جارتىسى تۇرعىن ءۇي الاپتارىندا.
سونىمەن قاتار، ۇلى دالا داڭعىلىندا ەكى اۆتوكولىك كوپىرىنىڭ قۇرىلىسى ءجۇرىپ جاتىر، ول وسى جىلى اياقتالادى جانە ەسىل وزەنى ارقىلى تاۋەلسىزدىك داڭعىلىنداعى كوپىردىڭ قۇرىلىسى 2023 جىلى اياقتالادى. ولار جولدارداعى ترافيكتى ايتارلىقتاي جەڭىلدەتەدى. سونداي-اق الاش ش. بويىنداعى كوپىرگە ("بۇكىر كوپىر") كۇردەلى جوندەۋ، جاڭا جول ايىرىقتارىن جوبالاۋ جانە ت. ب. جۇرگىزىلۋدە.
