Elordamyz Nur-Sultan men Almaty qalasy koronavirýsqa bailanysty 19 naýryzdan bastap jabylatyn boldy. Qos qalany jabý týrasyndaǵy sheshimdi Prezident janyndaǵy tótenshe jaǵdaidy qamtamasyz etý týrasyndaǵy memlekettik komissiia qabyldady, – dep habarlaidy Dalanews.kz.
Nur-Sultan qalasynda bir mezette koronavirýsqa shaldyqqan 14 adam anyqtalǵannan keiin quzyrly oryndar osyndai sheshim qabyldaýǵa barǵan. Buǵan deiin qalany jabý týraly sheshim qabyldaýy múmkin ekenin QR Densaýlyq saqtaý ministrliginiń ókili Dias Ahmetshárip «Qazaqstan» arnasyna bergen túsiniktemesinde aitqan bolatyn.
Dias Ahmetshárip indet juqtyrǵandar «túrli elderden kelgenin» alǵa tartty.
– Birden 14 adamnyń koronavirýs dertine shaldyǵýyna bailanysty qalalyq ákimdik arnaiy brifing ótkizedi. Dertke shaldyqqandar jedel járdemge ózderi telefon shalyp, kómek suraǵan, – degen edi Dias Ahmetshárip.
Jýrnalisterdiń osy jaitqa bailanysty «qandai sheshim qabyldanýy múmkin?» degen suraǵyna ministrliktiń ókili:
– «B» jospary boiynsha jergilikti bilik oryndary arnaiy sheshim qabyldaýy tiis. Ákimdikten biz de jaýap kútip otyrmyz. Olardyń qalany karantige jabýy da múmkin, – dep oiyn ortaǵa salǵan bolatyn.
Karantin kezinde adamdardyń qozǵalysy, kólikterdiń kirip-shyǵýy shekteledi. Qoǵamdyq kólik qozǵalysy kúndizgi ýaqytta toqtap nemese shektelýi múmkin, ia bolmasa túnde múlde qatynamaidy.
Azyq-túlikke jatpaityn taýar bazarlaryn, azyq-túlik pen dári-dármek satatyn nysandardy qospaǵanda, iri oiyn-saýyq ortalyqtary men saýda úileriniń jumysy ýaqytsha toqtatylady.
Halyqqa qyzmet kórsetý ortalyqtarynyń jumys rejimi qaita uiymdastyrylady.
Shekteý kezinde karantin aimaǵynyń perimetri belgilenip, kirip-shyǵý pýnkteri anyqtalady.
Arnaiy emdeý mekemeleri úsh sanat – virýs juqtyrǵandar, infektsiiaǵa kúdiktiler men karantinge alynǵandar boiynsha úzdiksiz jumys isteidi.
Qoǵamdyq tamaqtaný oryndary "klientke deiin jetkizý" qaǵidaty boiynsha jańa jumys rejimine aýysady.
Halyqtyń azyq-túlikke, dári-dármekke, tirshilikti qamtamasyz etý zattary men alǵashqy qajettilik taýarlaryna táýlik saiynǵy qajettiligin anyqtalady.
Qazirgi tańda Nur-Sultan qalasynda indetke shaldyqqandardyń sany 16-ǵa jetse, Almatyda 11 adam arnaiy oryndarda em alyp jatyr.
