ەلوردامىز نۇر-سۇلتان مەن الماتى قالاسى كوروناۆيرۋسقا بايلانىستى 19 ناۋرىزدان باستاپ جابىلاتىن بولدى. قوس قالانى جابۋ تۋراسىنداعى شەشٸمدٸ پرەزيدەنت جانىنداعى تٶتەنشە جاعدايدى قامتاماسىز ەتۋ تۋراسىنداعى مەملەكەتتٸك كوميسسييا قابىلدادى, – دەپ حابارلايدى Dalanews.kz.
نۇر-سۇلتان قالاسىندا بٸر مەزەتتە كوروناۆيرۋسقا شالدىققان 14 ادام انىقتالعاننان كەيٸن قۇزىرلى ورىندار وسىنداي شەشٸم قابىلداۋعا بارعان. بۇعان دەيٸن قالانى جابۋ تۋرالى شەشٸم قابىلداۋى مٷمكٸن ەكەنٸن قر دەنساۋلىق ساقتاۋ مينيسترلٸگٸنٸڭ ٶكٸلٸ دياس احمەتشەرٸپ «قازاقستان» ارناسىنا بەرگەن تٷسٸنٸكتەمەسٸندە ايتقان بولاتىن.
دياس احمەتشەرٸپ ٸندەت جۇقتىرعاندار «تٷرلٸ ەلدەردەن كەلگەنٸن» العا تارتتى.
– بٸردەن 14 ادامنىڭ كوروناۆيرۋس دەرتٸنە شالدىعۋىنا بايلانىستى قالالىق ەكٸمدٸك ارنايى بريفينگ ٶتكٸزەدٸ. دەرتكە شالدىققاندار جەدەل جەردەمگە ٶزدەرٸ تەلەفون شالىپ, كٶمەك سۇراعان, – دەگەن ەدٸ دياس احمەتشەرٸپ.
جۋرناليستەردٸڭ وسى جايتقا بايلانىستى «قانداي شەشٸم قابىلدانۋى مٷمكٸن?» دەگەن سۇراعىنا مينيسترلٸكتٸڭ ٶكٸلٸ:
– «ب» جوسپارى بويىنشا جەرگٸلٸكتٸ بيلٸك ورىندارى ارنايى شەشٸم قابىلداۋى تيٸس. ەكٸمدٸكتەن بٸز دە جاۋاپ كٷتٸپ وتىرمىز. ولاردىڭ قالانى كارانتيگە جابۋى دا مٷمكٸن, – دەپ ويىن ورتاعا سالعان بولاتىن.
كارانتين كەزٸندە ادامداردىڭ قوزعالىسى, كٶلٸكتەردٸڭ كٸرٸپ-شىعۋى شەكتەلەدٸ. قوعامدىق كٶلٸك قوزعالىسى كٷندٸزگٸ ۋاقىتتا توقتاپ نەمەسە شەكتەلۋٸ مٷمكٸن, يا بولماسا تٷندە مٷلدە قاتىنامايدى.
ازىق-تٷلٸككە جاتپايتىن تاۋار بازارلارىن, ازىق-تٷلٸك پەن دەرٸ-دەرمەك ساتاتىن نىسانداردى قوسپاعاندا, ٸرٸ ويىن-ساۋىق ورتالىقتارى مەن ساۋدا ٷيلەرٸنٸڭ جۇمىسى ۋاقىتشا توقتاتىلادى.
حالىققا قىزمەت كٶرسەتۋ ورتالىقتارىنىڭ جۇمىس رەجيمٸ قايتا ۇيىمداستىرىلادى.
شەكتەۋ كەزٸندە كارانتين ايماعىنىڭ پەريمەترٸ بەلگٸلەنٸپ, كٸرٸپ-شىعۋ پۋنكتەرٸ انىقتالادى.
ارنايى ەمدەۋ مەكەمەلەرٸ ٷش سانات – ۆيرۋس جۇقتىرعاندار, ينفەكتسيياعا كٷدٸكتٸلەر مەن كارانتينگە الىنعاندار بويىنشا ٷزدٸكسٸز جۇمىس ٸستەيدٸ.
قوعامدىق تاماقتانۋ ورىندارى "كليەنتكە دەيٸن جەتكٸزۋ" قاعيداتى بويىنشا جاڭا جۇمىس رەجيمٸنە اۋىسادى.
حالىقتىڭ ازىق-تٷلٸككە, دەرٸ-دەرمەككە, تٸرشٸلٸكتٸ قامتاماسىز ەتۋ زاتتارى مەن العاشقى قاجەتتٸلٸك تاۋارلارىنا تەۋلٸك سايىنعى قاجەتتٸلٸگٸن انىقتالادى.
قازٸرگٸ تاڭدا نۇر-سۇلتان قالاسىندا ٸندەتكە شالدىققانداردىڭ سانى 16-عا جەتسە, الماتىدا 11 ادام ارنايى ورىنداردا ەم الىپ جاتىر.
