Joldar men trotýarlardy qardan tazalaý úshin 67 arnaıy tehnıka satyp alyndy. Olar avtogreıderler, qar tıegishter, traktorlar jáne ózge de tehnıkalar.
Kelesi kezekte aldaǵy jyldyń basynda (90 arnaıy tehnıka) alý josparlanyp otyr.
Park tehnıkasyn jańartý qyzmetkerler úshin qolaıly eńbek jaǵdaılaryn jasaýǵa jáne sanıtarlyq tazalaýdyń sapasyn arttyrýǵa múmkindik beredi.
Arnaıy tehnıka qarajatty ońtaılandyrý men «QDB Lızıń» AQ-men birlese satyp alý esebinen alyndy.
Tehnıkanyń basym bóligi -otandyq ónim. Komýnaldyq qyzmetkerler jańa tehnıkany satyp alýdyń mańyzdylyǵyn atap ótti, sebebi bolǵan tehnıkanyń tozýy 30- 50%-dy quraıdy.
Jumysshylar eski tehnıkanyń birneshe ret buzylyp, jumys kezinde de isten shyqqanyn aıtty.
Elorda ákimi Altaı Kólginovtyń tapsyrmasy boıynsha «Astana Tazalyq» qyzmetkerleri qalany tazartýdaǵy eren eńbekteri úshin syıaqy aldy, jyl sońynda taǵy da syıaqy alatyn bolady. Al 2020 jyldyń basynan bastap jumysshylardyń jalaqysy ósedi.
