جولدار مەن تروتۋارلاردى قاردان تازالاۋ ءۇشىن 67 ارنايى تەحنيكا ساتىپ الىندى. ولار اۆتوگرەيدەرلەر، قار تيەگىشتەر، تراكتورلار جانە وزگە دە تەحنيكالار.
كەلەسى كەزەكتە الداعى جىلدىڭ باسىندا (90 ارنايى تەحنيكا) الۋ جوسپارلانىپ وتىر.
پارك تەحنيكاسىن جاڭارتۋ قىزمەتكەرلەر ءۇشىن قولايلى ەڭبەك جاعدايلارىن جاساۋعا جانە سانيتارلىق تازالاۋدىڭ ساپاسىن ارتتىرۋعا مۇمكىندىك بەرەدى.
ارنايى تەحنيكا قاراجاتتى وڭتايلاندىرۋ مەن «قدب ليزينگ» اق-مەن بىرلەسە ساتىپ الۋ ەسەبىنەن الىندى.
تەحنيكانىڭ باسىم بولىگى -وتاندىق ءونىم. كوممۋنالدىق قىزمەتكەرلەر جاڭا تەحنيكانى ساتىپ الۋدىڭ ماڭىزدىلىعىن اتاپ ءوتتى، سەبەبى بولعان تەحنيكانىڭ توزۋى 30- 50%-دى قۇرايدى.
جۇمىسشىلار ەسكى تەحنيكانىڭ بىرنەشە رەت بۇزىلىپ، جۇمىس كەزىندە دە ىستەن شىققانىن ايتتى.
ەلوردا اكىمى التاي كولگىنوۆتىڭ تاپسىرماسى بويىنشا «استانا تازالىق» قىزمەتكەرلەرى قالانى تازارتۋداعى ەرەن ەڭبەكتەرى ءۇشىن سىياقى الدى، جىل سوڭىندا تاعى دا سىياقى الاتىن بولادى. ال 2020 جىلدىڭ باسىنان باستاپ جۇمىسشىلاردىڭ جالاقىسى وسەدى.
