Kezdesýde Túrkistan oblystyq máslıhatynyń depýtaty Sh.Jamalbekov, Báıdibek aýdanynyń «Qurmetti azamaty», «Zeınetker» gazetiniń bas redaktory S.Turjan, Báıdibek aýdanynyń «Qurmetti azamaty» Báıdibek aýdany máslıhatynyń depýtaty B.Qalaýbaı jáne «Algabas» gazetiniń bas redaktory A.Ádilbekovter sóz sóılep, «Nur Otan» partıasynyń jetistikteri, alǵa qoıǵan maqsattary týraly aıtyp, jıynǵa kelgen úmitkerlerge sáttilik tileı otyra, saılaýshylardy «Nur Otan» partıasyna daýys berýge shaqyrdy.
Báıdibek aýdany boıynsha «Nur Otan» partıasynyń saılaýaldy shtabynyń tóraǵasy T.Dúısenbekov, partıanyń saılaýaldy baǵdarlamasynyń damýdyń jeti basymdyǵy jaıly jáne Báıdibek aýdany boıynsha «Nur Otan» partıasynyń basty maqsaty – halyqtyń ómir súrý sapasy men ál-aýqatyn únemi jaqsarta túsýge jaǵdaı jasaý, densaýlyq saqtaý, bilim berý, áleýmettik salada sapaly qyzmetterge qol jetkize otyryp, aýdan turǵyndarynyń ómir súrý jaǵdaıyn arttyrýǵa kúsh salatynyn aıtyp ótti.
Ǵabıden Qapalbaevtyń aıtýynsha, Báıdibek aýdanynda aýyl sharýashylyǵyn, onyń ishinde mal sharýashylyǵyn damytýǵa múmkindik mol. Bul rette «Nur Otan» partıasy aýyldardy damytýǵa aıryqsha mán berip otyr.
Partıa baǵdarlamasyna sáıkes, 2025 jylǵa qaraı aýyl sharýashylyǵynyń jalpy óniminiń kólemi 1,3 ese, AÓK óniminiń eksporty 2 ese ulǵaıyp, óńdelgen ónimniń úlesi 70%-ke jetkiziledi.
Bul rette Túrkistan oblysy fermerleri ónimderiniń de eksporty artpaq. Biz ózimizdi elimizde óndiretin negizgi azyq-túlik taýarlarymen tolyq qamtamasyz etemiz. 3500-den astam aýyl jańǵyrtylady, árbir tirek aýylǵa deıin 27 myń shaqyrym jergilikti joldar jóndelip, olardyń jaqsy jáne qanaǵattanarlyq jaǵdaıdaǵy úlesi 95%-ke jetkiziledi.
Jyl saıyn aýyldarda ınjenerlik jelilermen qamtamasyz etilgen jeke turǵyn úı salý úshin 22 myń jer telimi bólinedi. Qala jáne aýyl halqynyń 100%-i sýmen jabdyqtaý qyzmetterine qol jetkizedi. 2025 jylǵa qaraı halqy 900 myńnan astam adamdy quraıtyn 246 aýyl gazben qamtylady. Halyqtyń 99%-i joǵary jyldamdyqty ınternetke qol jetkizedi.
«Nur Otan» partıasy Túrkistan oblystyq fılıalynyń baspasóz qyzmeti
(Materıal «Nur Otan» partıasy Túrkistan oblystyq saılaý qory qarjysy esebinen jarıalandy)
