Nur Otan belsendileri Almatyda gýmanitarlyq kómek kórsetýdi jalǵastyrýda
Jas Otan jastar qanaty eriktileriniń kúshimen eki myńnan astam áskeri qyzmetshi, quqyq qorǵaý organdary men kommýnaldyq jumys qyzmetkerleri osy jyldyń 6 qańtarynan bastap úzdiksiz ystyq tamaqpen qamtamasyz etildi. Gýmanitarlyq kómekpen Almatynyń on joǵary oqý orny men kolledjderiniń 2 myń stýdenti qamtyldy.
Nur Otan partiiasy depýtattyq fraktsiiasynyń músheleri men partiianyń Almaty qalalyq filialynyń belsendileri, sondai-aq Praimeriz qatysýshylary Aida Bekmanova, Baqtiiar Blaev, Baqytbek Jumabaev jáne Talǵat Tileshev jáne basqalary aýdandyq ákimdiktermen jáne "Rahym" áleýmettik úiimen birlesip, turmysy tómen jáne muqtaj almatylyqtarǵa birinshi kezekte qajetti azyq-túlikpen jáne ystyq tamaqpen qamtamasyz etip, kómek kórsetti.
"KazFerroStal" JShS janyndaǵy bastaýysh partiia uiymdarynyń tóraǵalary qaiyrymdylyq muqtajdyqtaryna jáne qalany abattandyrýdy qamtamasyz etýge 4,5 mln teńge, al «AZMK» JShS janyndaǵy bastaýysh partiia uiymyna 6 mln teńge bóldi. Áýezov aýdanynda az qamtylǵan turǵyndarǵa 6,5 mln teńgege, Naýryzbai jáne Alataý aýdandarynda 5,5 mln teńgege kómek kórsetildi.
Osy saǵatta Almaty qalasynyń barlyq aýdandaryna shamamen 30 mln teńge kóleminde kómek kórsetildi. Partiianyń qalalyq filialy tóraǵasynyń birinshi orynbasary Meiirjan Otynshievtiń aitýynsha, almatylyq partiialyqtar ózara is-qimyl men alǵashqy kómek kórsetýdi jalǵastyrady. Sonymen qatar, Nur Otan partiiasy qalalyq filialy janynda jedel jeli telefondary jumys isteidi, 279-78-00, +7 777 640 78 52.
