«ForteBank» AQ atalǵan baǵdarlama boıynsha alǵashqy 322 mln teńge qarjyny birinshi bolyp qolǵa aldy. «Nur Kapıtal» baǵdarlamasy boıynsha nesıe alýǵa ynta tanytqan kásipkerler Mańǵystaý oblysynda (Aqtaý qalasynan basqa) tirkelip, jumysyn júrgizýi tıis. Bul basty talap. Bir boryshkerdiń qolyna tıetin shekti soma 30 mln teńgeni quraıdy. Nesıeniń merzimi 7 jyl bolsa, kásipker úshin nomınaldy syıaqy mólsherlemesi – 8,5%-dan aspaıdy.
«Nur Kapıtal» baǵdarlamasy boıynsha qarajat alǵan kásipkerler «Damý» qorynyń kómegimen nesıeni sýbsıdıalaı alady. Nátıjesinde paıyzdyq mólsherlemeni 8,5%-dan 1%-ǵa deıin tómendetetin múmkindikke ıe.
– Mundaı qolaıly jaǵdaı – jańa ónimder men jańa kásiporyndar qataryn kóbeıtip, Mańǵystaý oblysy boıynsha kásipkerliktiń bıik beleske kóterilýine septigin tıgizedi, – dedi «Damý» Qorynyń Mańǵystaý oblysy boıynsha aımaqtyq fılıal bastyǵy Gúljan Qalymbetova.
Kepildik jetkiliksiz bolǵan jaǵdaıda kásipker nesıe somasynyń 85 paıyzyna deıin «Damý» qorynyń kepildigin paıdalana alady.
«ForteBank» AQ Basqarýshy dırektory Lázzat Satıevanyń aıtýynsha, banktiń jolǵa qoıylǵan bıznes-prosesteri men bank fılıaly qyzmetkerleriniń kásibı sheberliginiń arqasynda qysqa merzim ishinde kásipkerler nesıege qol jetkizip, birqatar qyzyqty jobalardy júzege asyra alady.
«QmD» aqparat
