«نۇر كاپيتال» – ماڭعىستاۋلىق كەسٸپكەرلەردٸڭ بيزنەسٸن ٶركەندەتەدٸ
«ForteBank» اق اتالعان باعدارلاما بويىنشا العاشقى 322 ملن تەڭگە قارجىنى بٸرٸنشٸ بولىپ قولعا الدى. «نۇر كاپيتال» باعدارلاماسى بويىنشا نەسيە الۋعا ىنتا تانىتقان كەسٸپكەرلەر ماڭعىستاۋ وبلىسىندا (اقتاۋ قالاسىنان باسقا) تٸركەلٸپ, جۇمىسىن جٷرگٸزۋٸ تيٸس. بۇل باستى تالاپ. بٸر بورىشكەردٸڭ قولىنا تيەتٸن شەكتٸ سوما 30 ملن تەڭگەنٸ قۇرايدى. نەسيەنٸڭ مەرزٸمٸ 7 جىل بولسا, كەسٸپكەر ٷشٸن نومينالدى سىياقى مٶلشەرلەمەسٸ – 8,5%-دان اسپايدى.
«نۇر كاپيتال» باعدارلاماسى بويىنشا قاراجات العان كەسٸپكەرلەر «دامۋ» قورىنىڭ كٶمەگٸمەن نەسيەنٸ سۋبسيدييالاي الادى. نەتيجەسٸندە پايىزدىق مٶلشەرلەمەنٸ 8,5%-دان 1%-عا دەيٸن تٶمەندەتەتٸن مٷمكٸندٸككە يە.
– مۇنداي قولايلى جاعداي – جاڭا ٶنٸمدەر مەن جاڭا كەسٸپورىندار قاتارىن كٶبەيتٸپ, ماڭعىستاۋ وبلىسى بويىنشا كەسٸپكەرلٸكتٸڭ بيٸك بەلەسكە كٶتەرٸلۋٸنە سەپتٸگٸن تيگٸزەدٸ, – دەدٸ «دامۋ» قورىنىڭ ماڭعىستاۋ وبلىسى بويىنشا ايماقتىق فيليال باستىعى گٷلجان قالىمبەتوۆا.
كەپٸلدٸك جەتكٸلٸكسٸز بولعان جاعدايدا كەسٸپكەر نەسيە سوماسىنىڭ 85 پايىزىنا دەيٸن «دامۋ» قورىنىڭ كەپٸلدٸگٸن پايدالانا الادى.
«ForteBank» اق باسقارۋشى ديرەكتورى لەززات ساتيەۆانىڭ ايتۋىنشا, بانكتٸڭ جولعا قويىلعان بيزنەس-پروتسەستەرٸ مەن بانك فيليالى قىزمەتكەرلەرٸنٸڭ كەسٸبي شەبەرلٸگٸنٸڭ ارقاسىندا قىسقا مەرزٸم ٸشٸندە كەسٸپكەرلەر نەسيەگە قول جەتكٸزٸپ, بٸرقاتار قىزىقتى جوبالاردى جٷزەگە اسىرا الادى.
«قمد» اقپارات
