Qostanai oblysynyń Amangeldi aýdany ákimdigi turmystyq zorlyq-zombylyqtan qaza tapqan Saltanat Núkenovanyń esimi "Qazaqstannyń mańyzdy tulǵalary panteonyna engizildi" degen aqparatqa pikir bildirdi, dep habarlaidy Dalanews.kz.
Ákimdik málimetinshe, 2020 jyldan beri Amangeldi aýylynda metsenattyń bastamasymen úlken týristik keshen salynyp jatyr. Sonyń bir bóligi – "Ulttyq jady qabyrǵasy" atty memorialdyq qabyrǵa. Onda tanymal tarihi tulǵalardyń esimderi jazylǵan 296 taqta ornatylǵan. Memorial jobasy 2024 jylǵy mamyrda resmi túrde maquldanyp, qazir jergilikti biliktiń balansynda tur.
"Saltanat Núkenovanyń esimi jazylǵan taqtaǵa kelsek, ol memorial qabyrǵamen bailanysy joq jeke aimaqta ornalasqan. Bul keńistik metsenattyń jeke bastamasymen qurylǵan jáne ondaǵy taqtalar da onyń óz qalaýy boiynsha ornatylǵan. Olar memlekettik memorialdyq nysannyń bóligi emes", – dep naqtylady ákimdik ókilderi.
Eske salaiyq, buǵan deiin onyń aǵasy Aitbek Amangeldi Qazaqstannyń mańyzdy tulǵalary panteonyna turmystyq zorlyq-zombylyqtan qaza tapqan Saltanat Núkenovanyń esimi engenin málimdedi.
