قوستاناي وبلىسىنىڭ امانگەلدى اۋدانى اكىمدىگى تۇرمىستىق زورلىق-زومبىلىقتان قازا تاپقان سالتانات نۇكەنوۆانىڭ ەسىمى "قازاقستاننىڭ ماڭىزدى تۇلعالارى پانتەونىنا ەنگىزىلدى" دەگەن اقپاراتقا پىكىر ءبىلدىردى، دەپ حابارلايدى Dalanews.kz.
اكىمدىك مالىمەتىنشە، 2020 جىلدان بەرى امانگەلدى اۋىلىندا مەسەناتتىڭ باستاماسىمەن ۇلكەن تۋريستىك كەشەن سالىنىپ جاتىر. سونىڭ ءبىر بولىگى – "ۇلتتىق جادى قابىرعاسى" اتتى مەموريالدىق قابىرعا. وندا تانىمال تاريحي تۇلعالاردىڭ ەسىمدەرى جازىلعان 296 تاقتا ورناتىلعان. مەموريال جوباسى 2024 جىلعى مامىردا رەسمي تۇردە ماقۇلدانىپ، ءقازىر جەرگىلىكتى بيلىكتىڭ بالانسىندا تۇر.
"سالتانات نۇكەنوۆانىڭ ەسىمى جازىلعان تاقتاعا كەلسەك، ول مەموريال قابىرعامەن بايلانىسى جوق جەكە ايماقتا ورنالاسقان. بۇل كەڭىستىك مەسەناتتىڭ جەكە باستاماسىمەن قۇرىلعان جانە ونداعى تاقتالار دا ونىڭ ءوز قالاۋى بويىنشا ورناتىلعان. ولار مەملەكەتتىك مەموريالدىق نىساننىڭ بولىگى ەمەس"، – دەپ ناقتىلادى اكىمدىك وكىلدەرى.
ەسكە سالايىق، بۇعان دەيىن ونىڭ اعاسى ايتبەك امانگەلدى قازاقستاننىڭ ماڭىزدى تۇلعالارى پانتەونىنا تۇرمىستىق زورلىق-زومبىلىقتان قازا تاپقان سالتانات نۇكەنوۆانىڭ ەسىمى ەنگەنىن مالىمدەدى.
