Jiyn barysynda oblystyq qurylys, sáýlet jáne qala qurylysy basqarmasy basshysynyń mindetin atqarýshy Ainur Mankeshova óńirde júzege asyrylyp jatqan áleýmettik qurylys nysandary týraly aqparat berdi.
2022 jyldyń birinshi toqsanynyń qorytyndysy boiynsha oblysta 247,7 myń sharshy metr baspana paidalanýǵa berildi. Biylǵy jyldyń sońyna deiin 1 million 50 myń sharshy metr turǵyn úidi paidalanýǵa berý josparlanýda. Onyń ishinde 3,9 myń sh.m. jalǵa beriletin 72 páterlik turǵyn úi aǵymdaǵy jyldyń 3 toqsanynda ielerine tabystalady.
Aimaq basshysy Nurlan Noǵaev salynyp jatqan nysandardyń sanyna emes, sapasyna basa nazar aýdarý kerektigin atap ótti.
– Kórsetkishter úshin jumys isteýdiń qajeti joq. Nátijesin barlyǵymyz kórip otyrmyz. Salynyp jatqan nysandardyń sapasyna qatysty shaǵymdar óte kóp. Osy máseleni basqarma basshysy, qala, aýdan ákimderi baqylaýda ustaýy qajet, – dedi Nurlan Noǵaev.
Búgingi tańda oblys ortalyǵynda 116 kópqabatty turǵyn úidiń qurylys-montajdaý jumystary júrgizilýde.
Degenmen, kásipkerlerdiń qurylys jumystaryn ruqsatsyz bastap ketken faktileri bar.
Ótken jyly qaladaǵy turǵyn úi qurylysyna úleskerlerdi zańsyz tartý jáne salynyp jatqan turǵyn úilerdi jarnamalaǵany úshin «Mega Tehnologiia Kompaniiasy» JShS (17 shaǵyn aýdanda ornalasqan «Aqespe» TK), «KaspiStroi» JShS (17 shaǵyn aýdanda ornalasqan «Foriý» TK), «KazStroiPremiým-2007» JShS (20a shaǵyn aýdanynda ornalasqan «Tomiris» TK) , «Qazaq Metall» JShS (17 shaǵyn aýdanda ornalasqan «Baqyt mekeni» TK) mekemelerine barlyǵy 4 ákimshilik hattama toltyryldy.
Jiyn sońynda aimaq basshysy jaýapty tulǵalarǵa birqatar naqty tapsyrmalar júktedi.
